Skip to content

Внимание ! Мы в Одноклассниках

НЬУРБАЛАРГА КҮТҮӨТ ХААР ОҤОҺУГА БИҺИРЭБИЛИ ЫЛЛА

Сегодня, 19:41

 

 

Ньурба улууһугар Саҥа дьылы көрсөр  сүпсүлгэннээх күннэр чугаһаан истэхтэрин ахсын куораты, тус бэйэ тэлгэһэтин киэргэтии саҕаламмыта. Араас хаар оҥоһуктар кэккэлээн, дьоҥҥо-сэргэҕэ бырааһынньыктааҕы көҕү бэлэхтээбиттэрэ. 


Ньурбаҕа үүммүт сыл бэлиэтин Сибиинньэлэри хаарынан оҥорбут эдэр ыал аҕата Артём Иннокентьевич Иванов бүгүҥҥү күммүт дьоруойа буолар.

— Мин Сунтаар Хаданыттан төрүттээхпин. Иннокентий Петрович, Саргылана Егоровна Ивановтар дьиэ кэргэннэригэр иккис оҕонон күн сирин көрбүппүн. Бииргэ  төрөөбүттэр биэспит. Кыра оҕо эрдэхпититтэн  дьоммут кэрэ эйгэтигэр уһуйаннар, учууталларбыт такайаннар, хаар оҥоһук күрэҕэр мэлдьи бастыыр этибит. Аҕам хаар оҥоһуктары таһынан, иистэнэн, чочуйан тикпит саҥа дьыллааҕы маскараат көстүүмнэринэн 11 сылы быһа бастакы миэстэлэри ылбыппыт. Дьиэбит таһыгар аҕам оҥорбут хаар оҥоһуктарын таһыгар дьон кэлэн өйдөбүнньүк хаартыскаҕа түһээччилэр.

Артем Ньурба Антоновкатытта төрүттээх  Михаил Егорович, Зинаида Ивановна Софроновтар дьиэ кэргэннэрин  кыыстарын Надежданы кэргэн ылан, күтүөт буолан, билигин  үс оҕолоохтор. Бэйэтэ Ньурбатааҕы «Саханефтегазсбыт» тэрилтэтигэр үлэлиир, тапталлаах кэргэнэ оҕолорун көрөн олорор.

Эдэр киһи аҕатын удьуордаан, дьыл ханнык баҕар кэмигэр, ордук  хаарынан оҥоһуктары бырааһынньыктарга настарыанньаны көтөҕөн, сылтан сыл аайы оҥорорун кэпсиир.

«Оскуолаҕа үөрэнэ сылдьан мууһунан оҥорон боруобалаабытым. Дьон сатыырын ылсыам этэ, анал инструменннар наадалар», — диэн түмүктээтэ.

Ааптар: Антонина СЕМЕНОВА.

Оставить комментарий

Войти с помощью: