Skip to content

Внимание ! Мы в Одноклассниках

МИХАИЛ АЛЕКСЕЕВ УЧУУТАЛГА АНАЛЛААХ БУЛЬВАР АРЫЛЫННА

Дьокуускай куорат Ярославскай уулуссатын 32-гэр норуодунай учуутал Михаил Алексеев аатын сүгэр «Учуутал бульвара»  сквер арыллыыта буолла.  Тэрээһин Саха Өрөспүүбүлүкэтин судаарыстыбаннаһын уонна Айсен Николаев өрөспүүбүлүкэ Ил Дарханын солотугар киирэр  күнүгэр сөп түбэстэ.


Саха сирин норуодунай учуутала Михаил Алексеевка анаммыт саҥа сквери арыйыыга Ил Дархан  Айсен Николаев,  Ил Түмэн Судаарыстыбаннай Мунньаҕын бэрэссэдээтэлэ Петр Гоголев, өрөспөөбүлүкэни салайбыт Михаил НиколаевЕгор Борисов, уһулуччулаах учуутал Михаил Алексеев үөлээннээҕэ Николай Федоров, сиэнэ Туйаара Алексеева  кытыннылар.

 

— Сквер Өрөспүүбүлүкэ күнүгэр арыллыбыта дириҥ ис хоһоонноох, сүдү суолталаах. Уһулуччулаах учуутал саха норуота сайдыылаах буоларын туһугар күүскэ үлэлээбитэ. Бу ураты бульварга, Михаил Алексеев пааматынньыгын аттыгар  дьон-сэргэ сылдьыа, сынньаныа, — диэн Айсен Сергеевич эҕэрдэтин эттэ.  Үөрүүлээх миитин мас олордуунан түмүктэннэ.

Ааптар: Александр Тарасов

Оставить комментарий

Войти с помощью: