Skip to content

Внимание ! Мы в Одноклассниках

Олорор дьиэни-уоту тутуу икки төгүл улаатта

Кэнники алта сылга өрөспүүбүлүкэҕэ олорор дьиэни-уоту тутуу тэтимэ икки төгүл улааппыт. 2018 сыллаахха 205 тыһ. кв миэтэрэ, 2019 с. — 247 тыһ. кв м., 2020 с. – 234,5 тыһ. кв м., 2021 с. – 345,7 тыһ. кв м., 2022 с. – 385,5 тыһ. м., 2023 с. — 390 тыһ. м, барыта 1 мөл 800 тыһ кв м иэннээх олорор дьиэ-уот тутуллубут.

Ордук элбэх дьиэ Дьокуускайга тутуллубут. Ол курдук,  2018 с. киин куоракка  83 тыһ кв м., 2023 сыллаахха 197 тыһ. кв м иэннээх дьиэ үлэҕэ киллэриллибит.

2023 сыллаахха ааспыт өттүгэр оҥоһулла илик кирбии ситиһиллибит — 705 тыһ кв иэннээх, ол иһигэр 390 тыһ. кв м иэннээх чааһынай олорор дьиэ, 315 тыһ кв м иэннээх элбэх кыбартаыралаах дьиэ тутуллубут. Быйыл бу кирбиини чиҥэтэр сорук турар.

Элбэх кыбартыыралаах олорор дьиэлэр Бэрэсидьиэн Владимир Путин көҕүлээһининэн оҥоһуллубут «Олорор дьиэ-уот уонна куорат эйгэтэ» национальнай бырайыагынан, хаарбах дьиэлэртэн дьону көһөрүү бырагырааматынан тутуллаллар. Маны таһынан «Уһук Илиҥҥи ипотеканан» өлүүлэһэн тутууга үп тардыллар.  Аҥардас 2023 сыллаахха 47,7 млрд солк суумалаах  8 959 кирэдьиит бэриллибит, мантан 6 657 кирэдьиити (34,5 млрд солк.) чааһынай дьиэни туттааччылар ылбыттар диэн Ил Дархан уонна Бырабыыталыстыба пресс-сулууспата иһитиннэрэр

 

Оставить комментарий

Войти с помощью: