Skip to content

Внимание ! Мы в Одноклассниках

Өймөкөөн Төрүтүн кырачаан олоҥхоһутун анаан бэлиэтээтилэр

14.12.2023, 16:14

Бу күннэргэ Олоҥхо дэкээдэтэ түмүктэнэн, Тымныы полюһугар Өймөкөөҥҥө  ыһыллыбыт Олоҥхо ыһыаҕын кыайыылаахтара тустаах наҕараадаларын туттулар.

Кинилэр истэригэр  Өймөкөөн улууһун аатырбыт сылгыһыта, улууска соҕотох Социалистическай Үлэ Дьоруойа Г.А. Кривошапкин аатынан  Төрүт орто оскуолатын 2-с кылааһын үөрэнээччитэ Байдам Босиков баар.

Уолчаан Ил Дархан Айсен Николаев олохтообут суолталаах бириэмийэтин “Бастыҥ кырачаан олоҥхону толорооччу” номинациятыгар бэлиэтэннэ.

— Бу бириэмийэҕэ ылбычча оҕо тиксибэтин бэлиэтээн туран, дьүүлүүр сүбэ болҕомтотун Байдам Босиковка анаан хатаабытын эттилэр. Оҕобутун 2020 сылтан Төрүт нэһилиэгин оҕо саадыгар иитээччи Людмила Чачуа анаан бэлэмнээбитигэр махталбытын тиэрдэбит.

Билигин уолчаан учуутал Елена Слепцоваҕа дьарыктанар.  Быйыл сайын Томторго Олоҥхо ыһыаҕар бэлэмнэнэр лааҕыр аһыллан, Байдам ааттаах-суоллаах Таатта олоҥхоһутугар Алексей Николаевка дьарыктанан, сүрдээҕин эбиннэ.

Онон оҕом бу ситиһиитигэр кыттыгастаах бу дьоммор махталбын тиэрдэбин, — диэн Байдам Босиков ийэтэ Надежда Босикова махталын тиэртэ.

Кырачаан олоҥхоһукка өссө да үрдүк ситиһиилэри баҕарабыт!

 

Оставить комментарий

Войти с помощью: