Бензин сыаната ыараата
Биир нэдиэлэ иһигэр Москваҕа бензин сыаната эмискэ үрдээтэ. От ыйын 10-17 күннэригэр АИ-92 уматык лиитэрэтэ 49,38 солк., АИ-95 бензин 54,71 солк., АИ-100 уматык 65,25 солк. тиийдэ. Дизельнэй уматык сыаната уларыйбата, лиитэрэтэ 58,91 солк.
- Марианна Тыртыкова
Ол иннинээҕи нэдиэлэҕэ бензин сыаната эмиэ кыра-кыралаан үрдүү турбута ааспыт нэдиэлэҕэ өссө түргэтээтэ. Оттон Турцияҕа бензин сыаната от ыйын 16 күнүгэр 20% ыараата.
Уматык сыаната дойдуга инфляция таһымыттан, сырье котировкатыттан быһаччы тутулуктаах.
Дьокуускайга бүгүн, от ыйын 18 күнүгэр «Сибойл» сапыраапкатыгар АИ-95 бензин лиитэрэтэ 62,20 солк., АИ-92 лиитэрэтэ 59 солк., дизельнэй уматык 75,50 солк. диэри үрдээтэ. «Саханефтегазсбыт» сапыраапкатыгар АИ-95 бензин лиитэрэтэ 57, 80 солк., АИ-92 лиитэрэтэ 57 солк., дизельнэй уматык 77, 20 солк.
https://www.sakhaparliament.ru/
