Иномарка массыына сыаната атырдьах ыйын 1 күнүттэн ыарыаҕа
Атырдьах ыйын 1 күнүттэн омук сириттэн Арассыыйаҕа киирэр саҥа уонна туттуллубут омук массыынатыгар утилизационнай төлөбүр 1,7-3,7 төгүл үрдүөҕэ. Төлөбүр кээмэйэ тиэхэньикэ мотуорун кыамтатыттан тутулуктаах.
- Марианна Тыртыкова
Сылга биир массыынаттан элбэҕи дойдуга киллэрэр юридическай сирэйдэр уонна чааһынай дьон маннык төлөбүрү уйунуохтара:
1л. кыра мотуордаах массыынаҕа 48,2 тыһ. солк. оннугар 81,2 тыһ. солк.
1-2 л. мотуордаах массыынаҕа 178,4 тыһ. солк. оннугар 300 тыһ. солк.
2-3 л. мотуордаах массыынаҕа 281, 6 тыһ. солк. оннугар 844 тыһ. солк.
3-3,5 л. мотуордаах массыынаҕа 259,6 тыһ. солк. оннугар 970 тыһ. солк.
3,5 л. үөһэ мотуордаах массыынаҕа 445 тыһ. солк. оннугар 1,2 мөл. солк.
Көстөрүн курдук, улахан мотуордаах, кыахтаах, премиум кылаастаах джиптар, кроссовердар сыаналара эмискэ ыарыаҕа. Саха Сиригэр массыына улахан аҥаарын Японияттан киллэрэллэр, онон аҕыйах хонугунан сыана үрдүүрэ күүтүллэр.
