Дьокуускайдааҕы Киин уокурук Быыбардааччыта!
Киһи аймах бүттүүнэ улахан уларыйыыларга киирээри олорор. Аан дойду барыта ол эргиир таһымыгар киирдэ. Арҕаа дойдулар бары түмүллэн, аан дойдуну баһылыыр күүстэрэ уостан эрэриттэн, өссө күүскэ ылсан Арассыыйа утары булкаастаах сэриинэн түһэн, киһи -аймаҕы эһэргэ турунна.
Бу маннык түгэҥҥэ сомоҕолоһон, бары бүттүүн биир санаанан бары норуоттар, Россия салайар былаастара күүспүтүн холбуу түмтэхпитинэ инникилээх Улуу Кыайыыны ситиһиэхпит. Ол туһуттан хас биирдиибит бу Кыайыы туһугар бэйэтин күүстээх санаатын, дьулуурун, тулуурун киллэриэхтээх.
Улуу бөлөһүөкпүт Өксөкүлээх Өлөксөй XX үйэ саҕаланыытыгар этэн турар, саха омук улуу нуучча омугун кытта бүтүн Россия государствотыгар биир буолан доҕордоһон олорорбутугар. Ол иһин дириҥник уонна чопчу толкуйдуурга ыҥырбыта.
Ол иһин, бүгүҥҥү күҥҥэ бүтүн Аан дойга уонна Россиябытыгар буола турар быһыы-майгы суолтатын уонна олус дириҥ суоһуур майгылааҕын бары өйдүүр туһуттан, халлааны таһыйа сылдьыбакка, бэйэ-бэйэни түһэриинэн, кириитикэлээһининэн дьарыктаммакка, хас биирдии бэйэбититтэн кыаллары олорор дьиэбититтэн, тиэргэммититтэн, дьиэ кэргэммититтэн, подьезпытыттан кимтэн да тугу да күүппэккэ, ким эрэ кэлэн дьаһайарын, оҥорорун кэтэспэккэ олохпутун тупсарарга турунуохтаахпыт.
Күн бүгүн, хас биирдии киһи бэйэтин туох дьоҕурдааҕынан, сатабылынан, мындырынан бу олорор эйгэтин хайдах тупсарарга, уларытарга былааннаныахтаах, дойдутун, түөлбэтин туһугар омук быһыытынан култууратын, уратытын айар дьоҕурунан, оҥорон таһаарарынан толкуйдаан кыттыһарга бэлэм буолуохтаах.
Бу саҕалааһыннарын тэрийэнэргэ дьон тус бэйэтиттэн саҕалаан, ол саҥа сүүрээннэри олоххо киллэрэригэр тустаах дьону түмэн, түмсүүлэри, бөлөхтөрү олорор сиринэн тэрийэрэ табыгастаах уонна күүстээх буолуо этэ. Ол курдук бэйэни салайынар ТОС, ТСЖ диэн буолуохтарын сөп. Бу олорор, үлэлиир сирдэринэн бөлөхтөһүүлэри Холбос кооперативнай уопсастыба майгытынан тэриниэххэ сөп.
Ол курдук холобура, кыра тэрилтэлэри, холбоһуктары, уопсай бары кыттыһан ылыы чэпчэтиилэрин туһаныы, бэйэ бэйэҕэ көмөлөһүү кассатын тэринии, ити тастан харчы биэрэр иэскэ баайар кыра тэрилтэни туһаммакка бэйэни бэйэ хааччыныы өҥөтүн таба туттуу ньымаларынан олохсутуу эрэйиллэр.
Аныгы үйэ тэтимнээх кэмигэр, кыра да түмсүү, биир улахан системаҕа элбэх уонна кичэллээх хамсатыыны таһаарыан сөп. Итиннэ ситимнэнэн хас биирдии киһи тус бэйэтин туһугар тылын, дьайыытын эппиэтинэһэ үрдүүр.
Онон, Дьокуускайдааҕы Киин уокурук күндү быыбардааччыта, бу хас да сыллаах кэтээн көрүүлэрбин олоххо киллэрэрбэр бу №5- нүөмэрдээх биир мандаттаах “Единай Россия” партияҕа турбут кандидатурабын өйүүргэр ыҥырабын!
Быыбардааччы эн бэйэҥ тус санааларгын уонна этиилэргин бу ватсап нүөмэргэ 8-914-287-25-17, эбэтэр электр.почтабар nicaf@mail.ru ыытаар.
Ытыктабылы кытта историческай наука кандидата, “Якутия.Образ будущего” интернет-портал сүрүннүүр эрэдээктэрэ Афанасий Николаев.
Муус устар 29 күнэ 2023 сыл
