🌿🌿🌿🕊️🌈🕊️🌿🌿🌿 Аламай күн сыламынан!
Бу буолаары турар быыбарга, праймеризка центральнай округтан кыттарга санаммыт кандидат Афанасий Алексеевич Николаев туһунан, тус санаабын, кылгастык тиэрдиэхпин баҕардым. Кинини мин Саргылана Борисовна -Тубсаана нөҥүө билэбин. Бу Николаевтар дьиэ кэргэн өрүү бииргэ бэйэ- бэйэлэрин өйдөһөн, өйөнсөн тыа да, куорат да дьонунаан-сэргэтинээн элбэхтик алтыһан, үгүс элбэх араас темалаах сэргэх кэпсэтиини тэрийэн ыыталларын илэ билэбин. Тэрээһиннэригэр да тэҥҥэ сылдьыһан, кутум ылынарынан алтыһабын. Умнуллан эрэр үгэстэри, сиэри-туому кэпсииллэрин бэйэм ордук интэриэһиргиибин, ону айылгыбынан чугастык ылынабын.
Афанасий Алексеевич историк буоларын быһыытынан, олоххо буолан ааспыт дьиҥ чахчылары чинчийэн, ырытан дириҥ силистээх- мутуктаах сүдү үлэлэри суруйан, дьон өйүн-санаатын, толкуйун уһугуннаран, кэлэр кэнчээри ыччат өйдөөн-дьүүллээн, кэлин ырыҥалаан көрүө этэ, олох тупсарыгар сүбэ-ама оҥостуо этэ диэн санаанан салайынарын бэркэ өйдүүбүн. Кини үлэлэрэ урукку олоххо буолбут түгэннэр аны хатыламматтарын туһугар, дьон-сэргэ бүгэн хаалбакка, олоҕун тупсарарыгар томоон толкуйунан торумнанан, бэйэтин санаатын салайына, этинэ-тыына туруулаһа үөрэниэхтээх, ону олоххо киллэрэгэ кыһаныахтаах, баттабылтан тахсан барарга суол-иис булунуохтаах диэн этэрэ саамай сөп. Аныгы кэмҥэ ким да, кимҥэ да наадыйбат буолбута биллэр суол. Оттон Николаевтар дьиэ кэргэн иккиэйэҕин сэргэстэһэ сылдьан, бэйэ- бэйэлэрин ситэрсэн биэрэллэр. Ыал аҕата историк буолан историяны кэпсиир, ийэ киһи, Тубсаана, культуролог үөрэхтээх буолан, төрүт өбүгэ барахсан баччааҥҥа дылы тутуһан, этэҥҥэ тыыннаах тиийэн кэлбит үгэһин, сүтэн эрэр сиэрин-туомун кэпсиир, анаарар, ырытар, дьиҥ олоххо хайдах туһанары сүбэлиир-амалыыр. Ону сэргэ, айылҕаны, ытык сирдэри харыстыырга диэн ураты сэдэх бырайыактары үлэлэтэллэрин интэриэһиргиибин.
Афанасий Алексеевич «Тайная история Саха», «Уроки Алексея Кулаковского», «Сталин- Маршал Победы», «Саха кэпсээбэт кистэлэҥэ» уонна саҥа күн сирин көрбүт буруолуу сылдьар “Саха в 17-20 веках” диэн сүдү үлэлэрдээх. Бу үлэлэрин аахтахха, төрөөбүт дойдутун туһугар олус кыһанар, бэриниилээх, чыҥха ураты дириҥ билиилээх, ыллыннарыылаах тыллаах- өстөөх киһи буолара өтө көстөр.
Мин элбэх оҕолоох ийэ, эбээ буоларым быһыытынан, Афанасий Алексеевич сүбэ-балта тылынан дьоһуннаахтык туруорсуо, дьиҥ үлэни-хамнаһы тэрийсиэ диэн бигэ итэҕэйэбин, эрэнэбин. Оҕолорум, сиэннэрим хайдах-туох олоххо тиксиэхтэрэ этэй диэн санаанан салайтаран, кини куолаһын өйүүрбүн биллэрэбин. Уонна бар дьоммун уһуктар кэм кэллэ, олохпутугар буолар уларыйыыйаларга кыттыаҕыҥ диэн ыҥырабын. Бу үөһээ ааттаабыт Афанасий Алексеевич Николаевы билэр дьон кини туһунан сырдатаргытыгар, үлэлэрин аахпыттар санааҕытын суруйаргытыгар көрдөһөбүн, үлэлэрин аахпатахтарга ааҕаргытыгар сүбэлиэм этэ.
Дьокуускай куорат олохтооҕо элбэх оҕолоох ийэ, эбээ Ангелина Спиридонова- Сир Симэҕэ🌺.
Ыам ыйын 3күнэ 2023с.
🌿🌿🌿🕊️🌈🕊️🌿🌿🌿
