Skip to content

АНОНС !!!

Өбүгэттэн ситимнээх сиэрбит-майгыбыт олохтонор

Мэҥэ Хаҥалас улууһун Дьаҥхаады нэһилиэгин «Өбүгэ ситимэ» тосхолун чэрчитинэн Айыы үөрэҕинэн тиһиллибит «Үгэс эргиирэ» ситим тула сэһэргэһии муус устар 7 күнүгэр Төхтүр тиэхиниичэскэй оскуолатын саалатыгар бэрт сэргэхтик ааста.

Нэһилиэк дьонун-сэргэтин кытта анаан санаа атастаһа Балыктаахтан “Тыл хоһууна” бырайыакка бөлөҕүнэн үлэлиир учууталлар Говорова А.Н., Бурнашева А. Ф., Молукова С.С. урукку иитиллээччилэрин кытта, билигин бэйэтэ тэрийбит фермерскэй хаһаайыстыбатыгар үлэлиир Говоров Дь.Г., Павловскайтан “Айыы холумтанын” үлэлэтэр Пудова С.Д., Томтортон Айыы үөрэҕин тарҕатааччы Тихонов П.М. кэллилэр.

b5b0adee 6562 4732 bc1a 6e884a52ff27

«Дьаҥхаады нэһилиэгэ» МТ дьаһалтатын баһылыга,«Өбүгэ ситимэ» тосхол салайааччыта Стручков В.Н. үлэ соруктарын мустубут дьоҥҥо быһаарда. Ол кэнниттэн алгысчыт Тэрчи «Айыыһыты олордуу» сиэрин-туомун оҥордо.

Бу ыытар тэрээһиммитин Л.А. Афанасьев-Тэрис олоҕун аргыһа Р.Т. Афанасьева сэҥээрэн, Тэрис “Философия Кулаковского” кинигэтин кэлбит дьоҥҥор бэлэх уунаар диэбитин толордум. Дьиҥ үлэлии сылдьар дьоммут ити кинигэни илиилэригэр тутаннар, үөрүүлэрэ үрдээтэ. Баһылык солбуйааччыта Сергучев А.В. анал бөлөх тэриллэн, нэһилиэк сирдэрин ааттарын билэр-көрөр дьонтон хомуйан, аныгы технология сайдыытыгар киллэрэргэ оскуоланы кытта ыкса үлэлэһэн эрэллэрин ыалдьыттарга кэпсээтэ.

fd22c815 2b2f 4eb3 bc8e 5c2dc33d723e

Балыктаахтар бөлөҕүнэн үлэлиир ньымаларын сырдаттылар уонна маннык үлэлиир таһаарыылаах, кыайыылаах буоларын бигэргэттилэр. Дьулустаан Говоров “Төлкө” уһуйааҥҥа икки сайын сылдьыбыта олоҕор улаханнык туһалыырын, билигин Дорхоон Дохсуннуун ыкса үлэлээн, инникитин бу үлэтин кэҥэтэр баҕалааҕын эттэ. Быйыл уолаттарга кыһыҥҥы “Дьөһөгөй” үөрэҕи ыыппыттар.

a228f38f 4b1e 460b b671 9497a15c22e2

Светлана Пудова “Айыы Кыһата” оскуолаҕа Павлов А.Н.- Дабыл үөрэҕэр сылдьан билбитин-кѳрбүтүн, “Айыы холумтана” суолтатын туһунан олус өйдөнөр гына быһааран биэрдэ. Петр Тихонов Айыы үөрэҕэ сааһыламмыт тиһиктээх буолан, үлэлииргэ өйдөһүү, өйөнсүү тахсарын, өссө да  тахсыахтаах кинигэлэр бэчээттэннэхтэринэ, үлэлииргэ чэпчэки буолуо диэн чопчулаата. «Алаас ыала» хамсааһыны төрүттээбит Мария Шарина “Айыы Кыһата” оскуолаҕа сахалыы эйгэни үөскэтэргэ күүскэ үлэлииллэрин, Максимов Ф.Н. – Дьукка Ууһу кытта ситимнэрин быспакка сылдьалларын биһириирин, куорат уонна тыа сирин ситимэ Төхтүргэ баарыттан үөрэрин биллэрдэ. Төрүт култуура учуутала Диана Тарабукина оҕолорго нэһилиэк сирдэрин чинчийэр, үөрэтэр үлэтин билиһиннэрдэ. Оскуола психолога Ирина Холмогорова «Саҥ тардыы» туомнарын оҕолор кэрдиис кэмнэринэн  наардаан үөрэтиини саҕалаан эрэр.

b0478371 065e 4275 a4ea b82b2c3e24fc

Искусство оскуолатын фольклор кылааһын уһуйааччыта Анна Максимова ыйдар суолталарынан үлэлиир ньыматын кэпсээтэ. Бу оскуола дириэктэринн солбуйааччыта Екатерина Вензель учууталлар үөрэнээччилэрин күннэтэ туттуллар сахалыы тыллары саҥарарга үѳрэтэллэрэ, икки өттүттэн өйдөһөр үлэни ыыталлара үчүгэй түмүктэрдээҕин быһаарда. Сахалыы үгэс эргииринэн сэһэргэһиибит бэйэ-бэйэбитин ситэрсии курдук буолан таҕыста. Сиэрдээх дириҥ кэпсэтии буолла.

0603227d cecb 40e0 be78 4debd29cb76e

Тосхолбут үлэтин сүбэһитинэн педагогическай билим кандидата, культуролог Попова Г.С.- Санаайа буолар.

Өбүгэбититтэн ситимнээх сиэрбит-майгыбыт, айар-тутар үлэбит бу курдук олохтонон иһэр.

0cd542ab 4a2d 4850 add0 eba417208581

Оставить комментарий

Войти с помощью: