Бүгүн Рунет тѳрѳѳбүт күнэ
Бүгүн, муус устар 7 күнүгэр, нуучча тыллаах Интернет бары туhанааччыларыгар бэлиэ даата – Рунет (RuNet) тѳрѳѳбүт күнэ.
Раиса Никифорова бэлэмнээтэ
1994 сыллаахха муус устар 7 күнүгэр Арассыыйаҕа Ru домен регистрацияламмыта уонна үѳhээҥҥи таhымнаах национальнай доменнар аан дойдутааҕы базаларын дааннайдарыгар киллэриллибитэ.
Ол иннинэ, 1993 сыллаахха ахсынньы 4 күнүгэр, Demos Plus, Techno, GlasNet, SovAm Teleport, EUnet/Relcom, X-Atom, FREEnet курдук Арассыыйа бѳдѳҥ провайдердарын мунньахтарыгар «RU зонаны администрациялааhын бэрээдэгин туhунан» Сѳбүлэhии түhэрсиллибитэ.
Онон 29 сыл анараа ѳттүгэр Арассыыйа Интернеккэ баар судаарыстыбанан биллэриллибитэ.
Билигин Арассыыйаҕа ѳссѳ биир домен— .рф — Арассыыйа Федерацитыгар Үѳhээҥҥи таhымнаах национальнай домен баар. Бу Интернеккэ кириллицанан киирбит бастакы домен.
Рунетынан бу күҥҥэ 120 мѳлүйүѳн кэриҥэ киhи туhанар. Рунет биhиэхэ күннээҕи олохпутугар, үлэбитигэр-хамнаспытыгар олус улахан суолталаах.
Хаартыска аhаҕас источниктан ылылынна.
