Уурунуу сурук: Дьайаа– ымыы
Саха историята түҥ былыргыттан, инньэ Хотугу муустаах байҕал кытыла сылаас эрдэҕиттэн баарын символлар уонна знактар кэпсииллэр.
12000 сыллааҕыта хоту Гиперборея цивилизацията баара үһү. Традиционалист учуонайдар үөрэхтэрэ академическай наука билиититтэн атын. Элиэнэ кытылыгар Булгунньахтаах уонна Улахан Аан икки ардыларынан хайаҕа үс тайахтар уруһуйдара баар, руна суруктаах. Уруһуйдаммыт сааһын 4500-5000 сыллааҕыта диэбиттэр. Бу үс тайахтар итэҕэл өйдөбүллэрин кэпсиир, киһи-аймах бастакы иконата дэнэн эрэр. Билии кэҥээн истэҕин аайы академическай да наука маны билинэр кэмэ кэлиэ.
Дьайаа – оҕо ымыыта. Олорор буолуоҕуттан 8 сааһыгар дылы көхсүгэр иилэллэр.
Дьайаа руникаҕа ДьАҺА АЙ знактарынан таҥыллан суруллар.
Дьайаа араас матырыйаалтан оҥоһуллар.
Манна хахай баара үгүстэри мунаардар. Аныгы дьон итэҕэлтэн тэйбиппит бэрт. Үөрэхтэн билиибит саха 13-15 үйэлэртэн эрэ историяҕа баар курдукпут. Манна хантан эрэ кэлэн олохтоох омуктардыын буккуһан “саха” диэн буолбут үһүбүт.
Символлар уонна знактар атыны кэпсииллэр. Оҕо ымыыта – дьайаа ис өйдөбүлэ түҥ былыргы сака-скифтэргэ тириэрдэр.
Геродот суруйуутунан, сака-скифтэр б.э.и. 9-2 үйэлэргэ бааллара биллэр, онтон сүтэн, симэлийэн хаалбыттар дэнэр.
Тыһыынчанан сылларга Евразияны атынан тилийэ сүүрдэ сылдьыбыт сака-скифтэр хайдах сиик курдук симэлийэн хаалыахтарай?
СилиС РОО символлары, знактары, руна битиги үөрэтэр.
Учуонайдар звериный стиль диэн ааттаабыт сака-скифтэр көмүс оҥоһуктара Үрүҥ итэҕэл ис өйдөбүллэрин илдьэ сылдьалларын үөрэтэн биллибит.
Дьайаа төгүрүк – куйаар, вселенная символа, руникаҕа ӨЙӨӨ знак графемата.
Үс Л курдук хайаҕастар ДьАҺА руна графемата. ДьАҺА күнтэн кэлэр.
Хахай – ХоХоАй руна знактарынан таҥыллар, ис өйдөбүлэ Хахха Ай.
Хахай икки атаҕар турар, илин атахтарын иннигэр уунан КҮ руна графемата буолбут.
Бу быһаарыыларынан сирдэтэн дьайаа ис өйдөбүлүн куолулуубут.
Аар Айыы Тойон, үс дойду дьаһата, оҕобор хаххата ай. Өйөө.
Дьайаа ымыы символлара үтүмэн үйэлэри уҥуордаан хантан хааннаахпытын, кимтэн кииннээхпитин, арҕаһыттан тэһииннээх Айыы хаан аймахтара, көхсүттэн көнтөстөөх Күн улууһун дьоно буоларбытын өйдөтөллөр.
Үрүҥ итэҕэл бобулла илигинэ саха уһун үйэлээҕэ, элбэх оҕолооҕо.
Символлар уонна знактар өйдөбүллэрин хат ылыаҕыҥ.
***
Батай Көстөкүүн
