Skip to content

АНОНС !!!

Тыа хаһаайыстыбатын салаата быыһык кэми охсуута суох аһарарыгар миэрэлэри бэлэмнииллэр

15.03.2022 16:31  Улус Медиа

«Саха» көрдөрөр-иһитиннэрэр хампаанньа «Талбан» биэриитигэр тыа хаһаайыстыбатын салаатын үлэһиттэрэ «Бэйэ аһынан хааччыллыыга саҥа соруктар» диэн тиэмэ тула кэпсэттилэр. Тыа хаһаайыстыбатын бородууксуйатын бэлэмнээһин саҥа мэхэньиисимэ быыһык кэми этэҥҥэ ааһарбытыгар көмөлөһүөҕэ диир тыа хаһаайыстыбатын миниистирэ Александр Атласов.

«Оборудование уонна бытархай чаастар сыаналара үрдээһиннэрэ оҥорон таһаарар ас-үөл сыанатыгар дьайыахтарын сөп. Билигин өрөспүүбүлүкэ бырабыыталыстыбатыгар кириисиһи этэҥҥэ ааһарга көмө буолар миэрэлэри бэлэмнээһиҥҥэ үлэ барар. Биһиги министиэристибэбит эмиэ кэккэ этиилэри киллэрдэ», – диэн Александр Атласов иһитиннэрдэ.

Ол курдук, тыа сирин дьоно дохуоттарын сүтэрбэттэрин туһугар үүт сыанатын үрдэтиигэ этии киирбит. Билиҥҥитэ ааҕыы-суот үлэтэ ыытыллар.

«Тыа хаһаайыстыбатын үбүлээһинин саҥа мэхэньиисиминэн соҕотуопкаҕа субсидия быһыытынан үп көрүллүбүтэ олус сөптөөх хардыы. Тыа хаһаайыстыбатын бородууксуйатын сөптөөх сыанаҕа тутан, переработкалаан атыылыыр усулуобуйа тэрилиннэ», – диэтэ миниистир.

Кини эппитинэн, тыа хаһаайыстыбатын үбүлээһин саҥа мэхэньиисимэ кэпэрэтиип тэриллэригэр, чааһынайдар урбаанньыт буолалларыгар көмөлөһөр. Ааспыт сылга өрөспүүбүлүкэҕэ 380-тан тахса бааһынай хаһаайыстыбалар, хас даҕаны ТХПК тэриллибит. Маны таһынан 100-тэн тахса сүөһүлээх кэпэрэтииптэргэ хотон туттаралларыгар грант быһыытынан үп бэриллибит, 20-тэн тахса ТХПК ол көмөнөн туһанан хотон туттубут.

Подробнее: https://ulus.media/article/46168

Оставить комментарий

Войти с помощью: