Skip to content

АНОНС !!!

Кулун тутар 5 күнэ – Саха республикатыгар норуот маастарын күнэ

05.03.2022 10:38  Энсиэли

Норуот маастардарын уонна уран тарбахтаахтарын түмэр бэлиэ күн 2022 сылга онус төгүлүн бэлиэтэнэр. Ол курдук, Нам улууһугар 22 норуот маастара, 20 уус-уран оҥоһук маастара уонна 60-ча биллэр-көстөр, сатабыллаах илиилэринэн оҥорон, айан-тутан таһаарар, сөбүлээн дьарыктанар дьон баар.

 

Бүгүн норуот маастардарыттан биирдэстэрэ, бэйэтин суолун, тирэҕин булуммут, өбүгэлэрбит үгэстэрин сөргүтэн хомус чочуйан оҥорор Ньургустан Уваров – Хатан Уус туһунан сырдатабыт.

 

Хатан Уус оҥорор этигэн хомустара Россия куораттарыгар, кыраныысса таһыгар тиийэ биллэр, сыаналанар. Кинини уус абылаҥар сирдээбит, үөрэппит, уһуйбут киһинэн биллэр-көстөр хомус ууһун Иннокентий Готовцевы ааттыыр. Ньургустан өбүгэ төрүт үгэһин сөргүтэн тимир уруудатын уһааран болгуо ылан, ол тимиринэн хомус оҥорор дьикти уратылаах. Мындыр толкуйдаах уус сайын экспедицияларга сылдьан, уустары кытары түмсэн тимирдээх таастары хомуйар, хомус хаатын оҥорорго анаан удьурхай бэлэмнэнэр.

 

 

Сатабыллаах уус предпринимательство салаатыттан өйөбүллэнэн, улуус киинигэр “Маастардар дэриэбинэлэригэр” балаҕан туттан Аан дойдуга тиийэр хомуһун оҥорон таһаарар. Кини үлэлэригэр норуот быһыытынан уратыбыт, культурабыт дьиҥник уонна арылхайдык көстөр. Ону үгүс быыстапкаларга, фестиваалларга кыттан кыайыылаах буолара бигэргэтэр.

 

 

 

 

Теги

Оставить комментарий

Войти с помощью: