Skip to content

АНОНС

Открылся   YouTube канал Тубсааны 

Кэбээйигэ олоҥхоҕо аналлаах тэрээһин кэнчээри ыччаты түмтэ

03.12.2021 08:10Дабаан (Восхождение)

Өрөспүүбүлүкэҕэ ыытыллар Олоҥхо декадатын чэрчитинэн Кэбээйитээҕи П.Д.Степанов аатынан кыраайы үөрэтэр түмэлгэ “Олоҥхо – үйэлээх үгэспит” диэн бэрт сэргэх тэрээһин ыытылынна.

Кэбээйи орто оскуолатын үһүс кылааһын оҕолоро (салайааччы Кривошапкина С.С.), ССРС, СӨ култууратын туйгуна Савелий Тимофеев-Ыллык “Эр Бэрдэ, Элик үтүөтэ Эрдьигэн Бэргэн” олоҥхотуттан быһа тардан оонньоон-туойдулар, Улуу Алампа хоһоонун аахтылар.
Савелий Николаевич хамсык кэмэ буолан, тэйиччиттэн оҕолорго иһитиннэрии оҥордо.
«Иистэнньэҥ Венера Лугинова олоҥхоҕо аналлаах саҥа үлэлэрин оҕолор көрөн сэргээтилэр. Кырдьык да, олоҥхо дойдутун, айылҕатын, тыынар тыыннааҕын киһи эрэ кэрэхсиир гына оҥорбута сөхтөрөр. 
Күндү доҕоттор, саха уус-уран тылынан айымньытын чыпчаала – олоҥхо – үйэлээх үгэспитин өрө тутуоҕуҥ!» – диэн санаатын үллэстэр Кэбээйитээҕи түмэл үлэһитэ Руфина Сметанина.

 

 

 

 

 

 

 

Оставить комментарий

Войти с помощью: