Skip to content

АНОНС

Открылся   YouTube канал Тубсааны 

Бүлүү куоратыгар элбэх оҕолоох эдэр ыалларга 342 уһаайба сирэ түҥэтилиннэ

Дойду үрдүнэн оҕо төрөөһүнүн ахсаанын элбэтэргэ, инбэлиит дьону өйүүргэ, киһи олоҕун уһатарга туһуламмыт “Демография” национальнай бырайыак тигинэччи үлэлээн эрэр. Элбэх оҕолоох эдэр ыалларга судаарыстыба өттүттэн балачча көмө көрүллэр буолла. Ол иһигэр эдэр ыаллар чааһынай дьиэ тутталларыгар уһаайба сирин босхо биэрии эмиэ киирсэр. Бу күннэргэ Бүлүү куоратыгар уһаайба сирин ылбыт Бүлүү улууһун элбэх оҕолоох ыаллара уонна инбэлииттэрэ үөрэ-көтө сайабылыанньаларын биэрэ сылдьаллар

 

Элбэх оҕолоох ыалларга, инбэлииттэргэ уһаайба сирин түҥэтии хайдах тэриллибитин туһунан Бүлүү куорат дьаһалтатын сиргэ испэсэлииһэ Александра Корякина билиһиннэрдэ:
– Элбэх оҕолоох ыалларга, инбэлииттэргэ уһаайба сирин босхо түҥэтии туһунан Арассыыйа Бырабыыталыстыбатын таһымыгар анал уураах тахсыаҕыттан Бүлүү куоратыгар уһаайба сирин түҥэтии иккитэ ыытылынна.
2019 сыллаахха ыытыллыбыт бастакы түҥэтиигэ чааһынай дьиэ туттуутугар анаан 74 уһаайба сирэ бэриллибитэ, ол иһигэр элбэх оҕолоох ыалларга – 70, инбэлииттэргэ – 4.
Ааспыт 2020 сыл ахсынньы ыйыгар үстэн элбэх оҕолоох ыалларга 342 уонна инбэлииттэргэ 113 уһаайба сирин түҥэтиллибитэ. Уһаайба сирин түҥэтиигэ уочарат испииһэгин кытары сир испииһэгин холбооһун ньыматын туттубуппут. Элбэх оҕолоохтор, инбэлииттэр уочаракка турар нүөмэрдэринэн учаастактары ылбыттара. Ол эбэтэр, бастакы уочаракка турбут бастакы учаастагы ылбыта, иккискэ – иккиһи… Уһаайба сирин куорат, улуус араас нэһилиэктэрин элбэх оҕолоох эдэр ыаллара ыллылар.
Уһаайба сирэ сүрүннээн “Эмньик” кыбаарталыгар түҥэтилинэ, уоннааҕы учаастактар “Молодежнай” кыбаартал салгыытыгар, Кустаахха барыыга быһылыннылар. “Эмньиккэ” 8 саҥа уулусса солонуохтаах буоллаҕына, “Кустаах” диэки барыыга 3 уулусса салҕаныахтаах уонна 3 саҥа уулусса сирэ кэрдиллиэхтээх. Уулуссалары солооһун үлэтэ быйыл саҕаланыа.
Саҥа кыбаарталларга инфраструктураны: электрическэй уот линияларын, гаас ситимин тардыы бырайыактарын үбүлээһин күүтэр.
Билигин уһаайба сирин ылыахтаах элбэх оҕолоох ыаллар уонна инбэлииттэр уочараттарыгар өссө да 380 киһи турар.
СМИ-гэ суруйалларынан, атын сирдэргэ уһаайба сирин түҥэтии уустук боппуруоска кубулуйбут буоллаҕына, Бүлүү куоратыгар элбэх оҕолоохторго, инбэлииттэргэ уһаайба сирин иккитэ төхтөрүйэн биэрии тэрилиннэ. Уһаайба сирин быһан биэрии, биллэн турар, олохтоох муниципальнай былаас өттүттэн элбэх тэрийэр үлэни ирдиир. Бүлүү ген-былаанын каартатын көрдөххө, куорат арҕаа диэки кэҥиирэ былааннаммыт, “Кустаах” уонна “Эмньик” кыбаарталларга саҥа бэриллибит уһаайба сирэ, быһа холоон, куорат тайаан сытар сирин 7/1 хабар.

Источник

Оставить комментарий

Войти с помощью: