Skip to content

АНОНС

Открылся   YouTube канал Тубсааны 

*Ытыктабыллаах сахабыт сирин олохтоохторо, тас дойдуга олорор биир дойдулаахтарбыт!*

Дьаҥы, ыарыыны үргүтэр АЛГЫС күлүүс тылларбытын УЛУУ КУЙААРГА көтүтүөҕүҥ!

Тоҕус хаттыгастаах Добун киэҥ Халлааммытыгар олохсуйбут Үрүҥ Айыыларбыт суоллара арыллар, Сирбит-Дойдубут Иччилэрэ чугаһыыр, Үрүҥ Тунах олохсуйан турар, Күммүт оройунан тыгар кэмигэр БЭС ЫЙЫН 21 күнүгэр, 12.00 чаастан, ” *ИЛ-ЭЙЭ ОҺУОХАЙА”* ыытыллар.
*Көҕүлээччилэр* : Саха Өрөспүүбүлүкэтин тимир уустарын түмсүүтэ, Саха Өрөспүүбүлүкэтин общественнай түмсүүлэрин көҕүлүүр “ИЛИН” общественнай тэрилтэ, АНО “Эволюция”.
*Өйөөччү*: Дьокуускай куорат “АРЧЫ ДЬИЭТЭ” духуобунай култуура киинэ.

*Бар дьоммут!*
Саҥа Төлкөнү төрүт дорҕооммут Тойугунан Алгыстаах Оһуохайы аныгы кэм ирдэбилинэн куйаар ситимин – *ЧЕЛЛЕНДЖ* нөҥүө олохтуоххайыҥ.

Хас биирдии нэһилиэк, улуус, куорат ыаллара тэлгэһэлэригэр, ийэ, аҕа ууһунан Ытык Сирдэригэр, үлэ, общественнай, айар-тутар кэллэктиип эбэтэр түмсүүлэринэн ” *ИЛ-ЭЙЭ ОҺУОХАЙЫН”* дьиэрэһитэн Үрдүк Айыыларбытыгар ыытыаҕыҥ! Оһуохайбыт ис хоһоонугар хараҥа дьай айата Сир Ийэбитигэр төлө тэппэтин туһугар орто дойдуга ИЛ-ЭЙЭ олохтонорун туһугар тыл- өс баар буоллун. Билиҥҥи ыарыы-дьай тэйэрин, баһаар умулларын, АЙЫЛҔАБЫТ үүнэ-чэчирии турарыгар, омукпут сайдан төрүт ИТЭҔЭЛБИТИН сөргүтэн ууһуур-кэҥиир суолу тутуһарын туһугар уус-уран тылларынан хоһуйан ОҺУОХАЙБЫТЫН олохтуоҕуҥ. ҮРҮҤ КҮММҮТ сир симэхтэрин *эрэкэ-дьэрэкэ оҕолорбутун* сөбүлүүр, онон кэнчээри ыччаппыт оһуохай этэрэ биһирэнэр. *Арҕаһыттан тэһиинээх Айыы Хаан Аймаҕа, Көхсүттэн Көнтөстөөх Күн Дьоно!*
Оһуо-оһуо оһуокай,
Эһиэ-эһиэ эһиэкэй,
Оһуору Айыҥ, эһэри Кэйиҥ,
Дай, ыарыы кыйданнын,
Ил, Эйэ олохтоннун,
Айыы Санаа түстэннин! ДОМ🙌

Тэрийэр бөлөх
🟢Облакоҕа:
https://cloud.mail.ru/public/KGLa/MSK4PAcB3

🔴Инстаграм:
https://www.instagram.com/tv/CQKwRC9Imiv/?utm_medium=share_sheet

Оставить комментарий

Войти с помощью: