Skip to content

АНОНС

Открылся   YouTube канал Тубсааны 

Оҕоҕо 5000 ыларга, кулун тутар 31 күнүгэр диэри сайабылыанньата суруйуҥ

8 сааһыгар диэри оҕолоох төрөппүттэр 5000 сууммалаах биирдэ төлөнөр харчыга тиксэллэригэр – 2021 сыл кулун тутар 31 күнүгэр диэри суруйуохтаахтар.

Кулун тутар 31 күнүгэр диэри оҕолоро төрөөбүтүн туһунан ЗАГС уорганнарыгар бигэргэппит дьиэ кэргэн дьон, Арассыый Бэрэсидьиэнин Уурааҕыгар сөп түбэһиннэрэн, биирдэ төлөнөр харчыга тиксэллэригэр, судаарыстыбыннай өҥө порталыгар сайабыаннаьа суруйуохтарын сөп.

Санатабыт, бары дьиэ кэргэттэргэ, өскөтүн эһиги оҕоҕут 2020 сыл, ахсынньы 17 күннээҕи туругунан 8 сааһын туолбатах буоллаҕына, Биэнсийэ Пуондата эһиэхэ эбии төлөнөр көмө харчыны ыларга кыах биэрдэ,эрдэ, 2020 сыллааҕы оҕо төлөбүрүн харчытыгар суруйбут сайабылыанньаҕытыгар олоҕуран.

Биирдэ төлөнөр харчы Арассыыйа гражданнарыгар, оҕо иитэ ылбыт дьоҥҥо, оҕону эпиэкэҕэ ылбыт дьоҥҥо ананар. Оҕолор эмиэ Арассыыйа гражданнара буолара ирдэнэр.

Өскөтүн оҕо дьиэ кэргэҥҥэ 2020 сыл, от ыйын 1 күнүн кэнниттэн төрөөбүт буоллаҕына, эбэтэр төрөппүттэр 2020 сыл тухары Биэнсийэ Пуондатын нөҥүө төлөммүт харчыны ыларга билсэ сылдьыбатах буоллахтарына, бэйэлэрэ тиийэн сайабылыанньа биэриэхтэрин сөп. Сайабылыанньаны бу сыл кулун тутар 31 күнүгэр диэри суруйар булгуччулаах, Уураах тахсыбытын кэнниттэн төрөөбүт оҕолорго, ол эбэтэр 2020 сыл, ахсынньы 18 күнүн кэнниттэн төрөөбүт кырачааннарга бу уураах күүһэ эмиэ тарҕанар.

Сайбылыанньаҕа оҕо төрөөбүтүн туһунан сибидиэтилистибэтин тиһэҕит, итиэннэ харчы ханна түһүөхтээх баан реквизиттэрин ыйаргыт ирдэнэр.

Бааҥҥыт усчуота сабыллыбыт буоллаҕына, реквизиттэр уларыйбыттарын туһунан эбии сайабылыанньа суруйаҕыт.

Бу оҕолорго төлөнөр 5000 солкуобай биирдэ эрэ төлөнөр. Өскөтүн бу иннигэр маннык быраабынан номнуо туһаммыт буоллаххытына, харчы төлөммөт.

Саха сиринээҕи Биэнсийэ Пуондатын пресс-сулууспата

Оставить комментарий

Войти с помощью: