Skip to content

АНОНС

Открылся   YouTube канал Тубсааны 

Бүгүн Дьыл оҕуһун иккис муоһа тоһунна дуу, хайдаҕый?..

Василий Никифоров 

Сахалар мэйиибит икки өттө тэҥинэн үлэлиир буолан эбитэ дуу, биир сүнньүлээх быһаарыыта суохпутунан иэдэйбит урааҥхайдарбыт. Бүгүн, олунньу 24 күнүгэр, Үһүс Охонооһойопко сорохтор Дьыл оҕуһун моойдоох баһын быстылар, ону утарааччылар иккис муоһун саҥа тоһуттулар. Халлааммыт дьыбарыттан сирдэттэххэ, Дьылбыт оҕуһа иккис муоһа түһээри ыарыыланан, тымныынан тыыммыта илэ-бодо быһыылаах.

“Бичик” (билиҥҥинэн “Айар”) кинигэ кыһата хомуйан-таҥан таһаарар эркин халандаарыгар ити иккиттэн бастакытын тутуһаллар итиэннэ “бу күн сарсыарда бэлиэтээтэҕинэ — сааһа эрдэлиир, типтэҕинэ – хойутуур, сылыйдаҕына – сааһа сылаас, оттон тыалырдаҕына, хаардаатаҕына, тымныы, хатааһын саас буолар” диэн билгэни киллэрбиттэр. Оттон Дабыллаах Тэрис “Таҥха” кинигэлэригэр сааһы сарсын, олунньу 25 күнүгэр, Былаҕасыанньаҕа билгэлииллэр.

Ый хаһыс күнүгэр сылыйар даҕаны, кэлэр ыйга ол кэмҥэ бэлиэтиир. Олунньуга сылаас, былыттаах буоллаҕына — сайына кураан, тымныы буоллаҕына – сайына ардахтаах. Ый икки тыаллаах: хаардаах көмнөҕү түһэрэр тыал уонна күнү көтөҕөр тыал. Олунньуну атырдьах ыйа батыһар.

https://www.sakhaparliament.ru/sa/uopsastiba/5234-2021-02-24-03-50-59

Оставить комментарий

Войти с помощью: