Skip to content

АНОНС

Открылся   YouTube канал Тубсааны 

Арассыыйа учууталларыгар ноутбук көрүллүөҕэ

РФ цифровой сайдыыга уонна үөрэҕирии министиэристибэлэрэ “Цифровой оскуола” бырайыак чэрчитинэн дойдуга үлэлии-хамсыы сылдьар учууталларын 60% ноутбугунан хааччыйар туһунан этии киллэрбиттэр. Ол туһунан бирикээс “Парламентская газета” порталыгар бэчээттэммит.

Докумуоҥҥа оскуолаҕа үлэлии сылдьар учууталлар 60%-ра үөрэх тиһигин быспакка ыыталларын инниттэн аналлаах компьютерынан хааччыллыахтаахтар диэн суруйбуттар.

Оннук анал компьютерынан ноутбук эбэтэр планшет буолуон сөп. Бу балар көмөлөрүнэн учуутал электроннай сурунаалы, отчуот оҥорорун туһунан этиллэр.

“Цифровой оскуола” стандартынан оскуолаларга дистанционнай үөрэҕи тэрийэллэригэр бары усулуобуйа баар буолуохтаах: интернет, видео-кэмпэриэнсийэни тэрийэр уонна видеонан кэтиир оборудованиелар. Докумуоҥҥа этиллэринэн, учуутал анал компьютерынан ол оборудованиелары салайар кыахтаах буолуохтаах.

Арассыыйаҕа 2020 сыл балаҕан ыйын 1 күнүттэн 2022 сыл ахсынньы 31 күнүгэр диэри 14 эрэгийиэннэргэ оскуолаларга цифровой үөрэҕи киллэриигэ эксперимент ыытыллар. “Үөрэх” нацбырайыагынан 2024 сылга диэри дойду бары оскуолаларыгар цифровой үөрэх  киириэхтээх.

Источник

Оставить комментарий

Войти с помощью: