Skip to content

АНОНС

Открылся   YouTube канал Тубсааны 

Аллараа Бэстээх аннынан Өлүөнэ өрүс биэрэгин бөҕөргөтүү сотору саҕаланыа

Александр Тарасов 

Бу күннэргэ Аллараа Бэстээх бөһүөлэгин аннынан Өлүөнэ өрүс биэрэгин бөҕөргөтүүгэ Уу ресурсаларын федеральнай агентствотын салайааччытын солбуйааччы Н.А.Сологуб бэрэссэдээтэллээх мунньах буолан ааста.

Мунньахха Өлүөнэ сүнньүнээҕи ууга салалтатын салайааччытын эбээһинэһин толорооччу П.М.Аргунов, СӨ экологияҕа, айылҕаны туһаныыга миниистирин солбуйааччы Э.В.Пихтин, СӨ ууга сыһыаннаһыыларга департаменын салайааччы З.Е.Васильева,  «СӨ судаарыстыбаннай сакаасчытын сулууспата» ГКУ,  «Кинг-95» ХЭУо (бэдэрээтчит) салайааччылара, бэрэстэбиитэллэрэ кытыннылар.

2013 сыллаахха өссө бырайыак оҥоһулла сырыттаҕына уонна  2017 сыллаахха бырайыак олоххо киирэн тутуу саҕаланан эрдэҕинэ, биэрэк улаханнык сиҥнэн түспүтэ. Онон сибээстээн бырайыактыыр докумуоннары хос саҥаттан оҥорор наада буолбута. Билиҥҥи туругунан бырайыактыыр-сметалыыр докумуон оҥоһуллан бүппүт. Быйыл алтынньы 30 күнүгэр көннөрүллүбүт докумуону Москваҕа судаарыстыбаннай экспертизаҕа ыыппыттар.  Онон бу эбийиэк көннөрүллүбүт бырайыагын докумуона  экспертизаны этэҥҥэ аастаҕына,  салгыы  үбүлээһинэ көрүллүө. Бүгүҥҥү туругунан судаарыстыбаннай хантараак быһыытынан тутар-таҥар үлэлэр оҥоһуллан бүтэн тураллар.
Бырайыак судаарыстыбаннай экспертизаны этэҥҥэ аастаҕына, эбии үлэлэргэ судаарыстыбаннай хантараак сыанатын үрдэтэргэ сөбүлэһии баттанара былааннанар.

берег маны фото 2 1

Оставить комментарий

Войти с помощью: