Skip to content

АНОНС

Открылся   YouTube канал Тубсааны 

Михаил Варламов – Дальнай Восток боксаҕа чемпиона!

Бурятия. Эрдэ иһитиннэрбиппит курдук, Дальнай Восток федеральнай уокуругун боксаҕа эр дьоҥҥо чемпионатын бүтэһик быһаарыылаах киирсиилэригэр үс уолбут кытынна.
Кинилэртэн, Сунтаар улууһун ыччата, спорт маастара, соторутааҕыта Россия кубогар кыттыбыт Михаил Варламов 57 киилэҕэ финалга олохтоохтор киһилэрэ – Гатаулины баһыйа тутан кыайда уонна Дальнай Восток федеральнай уокурук 2020 сыллааҕы чемпионунан буолла. Киниэхэ уонна кини тренерэ – Саха сирин сүүмэрдэммит хамаандатын сүрүн тренерэ Владимир Павловка наҕарааданы боксаҕа икки төгүллээх олимпийскай чемпион Алексей Тищенко туттарда.
Финалга кыттыбыт өссө икки уолбут: Николай Григорьев (52 кг) – бурят Баир Батлаевка сабырыйтарда, оттон Виталий Стручков (60 кг) туораттан көрдөххө утарсааччытын Денис Париловы (Хабаровскай) хоппут курдук этэ эрээри, кыайыыны 5:0 ахсаанынан анараа уолга биэрдилэр. Онон биһиги хамаандабыт бу чемпионакка биир кыһыл көмүс, икки үрүҥ көмүс уонна икки боруонса мэтээллэри ылары ситистэ.
Дальнай Восток чемпионатыгар ситиһиилээхтик кыттыбыттар сэтинньи ыйга Оренбург куоракка буолар Россия чемпионатыгар кыттар быраабы ыллылар.

Петр ПАВЛОВ.

Подробнее: https://ulus.media/2020/10/03/mihail-varlamov-dalnaj-vostok-boksa-a-chempiona/

Оставить комментарий

Войти с помощью: