Skip to content

АНОНС

Открылся   YouTube канал Тубсааны 

Россия боксаҕа Кубога: Борис Сидоров үһүс кыайыыта

 

 

Сегодня, 08:36
Таһаарыы: «ulusMedia»

оссия боксаҕа хамаанданан Кубогын үһүс күнэ. Киэһээҥҥэ көрсүһүүлэргэ Соҕурууҥҥу уонна Сибиирдээҕи федеральнай уокуруктар, Москва уонна Санкт-Петербург куораттар хамаандалара кииристилэр.


Бастакынан рингэҕэ буоларын курдук, кыра ыйааһыннаахтар таҕыстылар. Москва чемпиона, билигин Армеецтар киин спортивнай кулууптарыгар эрчиллэр Горнай улууһун ыччата Борис Сидоров (49 кг) солбуйан биэрээччитэ суох буолан, үһүс күнүн субуруччу кииристэ. Ону “Матч Боец” канаалга быһа биэриини ыытааччы чорботон биэлиэтээтэ уонна уопсайынан биһиги уолбутун хайҕаата: “Василий Егоров эдэр эрдэҕинээҕитин санатар” диэтэ. Кырдьык, Борис Ижевскэй рингэтигэр үс киирсиини – үһүөннэрин биир тэтимнээхтик, кыайыыга дьулуурдаахтык ыытта. Кини утарсааччытынан Коми Республикатын боксера, эдэрдэргэ Россия күрэхтэһиитин призера Юрий Гуляев буолла.

Бу да киирсиигэ Борис Сидоров үчүгэй бэлэмнээҕин көрдөрөн, улаханнык илистибэккэ кыайыыны ситистэ. Туораттан көрдөххө, анараа уол төһө да түһүөлүү сатаабытын үрдүнэн, саха боксера маастарыстыбата үрдүгүнэн бары өттүнэн баһыйа тутта.

Оруобуна ити кэмҥэ атын канаалга Томпо улууһуттан төрүттээх Михаил Прокопьев (49 кг)  – Николай Солдатовы (Сибиирдээҕи федеральнай уокурук, Алтай) баһыйа тутан, бастакы кыайыытын сурунна. Ол оннугар, дойду чемпионатын икки төгүллээх призера Артур Ложниковпыт (52 кг) Россия икки төгүллээх чемпиона Вадим Кудряковка (Крым) хотторон кэбистэ.

Ол да буоллар, Россия хамаанданан Кубогар кытта сылдьар боксердарбыт биһигини, спорду таптааччылары сүрдээҕин сэргэхситтилэр. Күрэхтэһии салҕанар, уолаттарбытыгар ситиһиини баҕарабыт!

ССРС спордун маастара, Саха АССР үтүөлээх тренерэ Александр Тыасытов: «Уолаттарбыт үчүгэй бэлэмнээхтэрин көрдөрдүлэр, кыайыыны ситиспит уолаттар бары үрдүк кылаастахтарын дакаастаатылар. Ордук Борис Сидоров, Василий Егоров, Михаил Варламов опыттаах боксердар буолалларын бигэргэттилэр. 19 саастаах Назар Андреев биир кэскиллээх, талааннаах боксер буоларын өссө төгүл көрдөрдө. Ону кини международнай кылаастаах маастары кыайыыта дакаастыыр. Уолаттарбытыгар Олимпиадаҕа сүүмэрдээһиҥҥэ ситиһиилэри баҕарабын», – диэн бэйэтин санаатын үллэһинэ.

Петр ПАВЛОВ.

Оставить комментарий

Войти с помощью: