Skip to content

АНОНС

Открылся   YouTube канал Тубсааны 

Парламент сессията норуоттар икки ардыларынааҕы II форум чэрчитинэн ыытыллыаҕа

 Редакция  

Ил Түмэн сессията балаҕан ыйын 27-30 күннэригэр «Северный форум по устойчивому развитию» норуоттар икки ардыларынааҕы II форум чэрчитинэн ыытыллыаҕа. Бу сугулаан Хотугу сир уонна Арктика инфраструктуратын оҥорууга туһуламмыт РФ сокуонугар итэҕэстэри-быһаҕастары ырытар, чысхааннаах кыраай дьонун-сэргэтин олоҕо тупсарыгар саҥа этиилэри, уларытыылары киллэрэр туһуттан ыытыллар.

Форум тэрийээччилэрэ: СӨ Бырабыыталыстыбата, хотугу регионнар «Северный форум» норуоттар икки ардыларынааҕы тэрилтэлэрэ уонна М.К. Аммосов аатынан Хотугулуу-Илиҥҥи федеральнай университет.

unnamed 7

Быйылгы форум сүрүн тиэмэтэ — «Транспортная инфраструктура на Севере и в Арктике». Ол эбэтэр Хотугу сиргэ уонна Арктикаҕа тырааныспар, суол-иис, сырыы-айан хайдаҕын, таһымын, суолтатын, кэскилин туһунан иҥэн-тоҥон, төрдүттэн түөрэн кэпсэтиэхтэрэ.

Норуоттар икки ардыларынааҕы «Северный форум по устойчивому развитию» II форум чэрчитинэн«Северный Форум» тэрилтэ платформатыгар парламент сессията ыытыллара — сонун көстүү, бастакытын ыытыллар. Хотугу регионнар, арктическай субъектар сокуону оҥорор былаастара, учуонайдарын түмсүүлэрэ, экспертэрэ,  дипломаттыы сыһыаны тутуһан уонна туһанан, Хотугу сир уонна Арктика сайдыытыгар ылыллар сокуоннар тустарынан киэҥ хабааннаахтык сэһэргэһиэхтэрэ, уопут атастаһыахтара, дакылааттары истиэхтэрэ, ырытыахтара уонна форум резолюциятын ылыныахтара. Ону Арктика сэбиэтин үлэтин кэтиир-хонтуруоллуур бырааптаах, аан дойду циркумполярнай регионнарын сайыннарар соруктаах “Северный Форум” тэрилтэҕэ аадырыстыахтара.

 

Источник

Оставить комментарий

Войти с помощью: