Skip to content

АНОНС

Открылся   YouTube канал Тубсааны 

Үөһээ Бүлүүгэ – Кыайыы Параадыгар 75 аттаах киһи

Сегодня, 17:29

Бүгүн, бэс ыйын 24 күнүгэр, Арассыыйа үрдүнэн Улуу Кыайыы 75 сылыгар аналлаах Параад күнэ биллэриллибитэ. Үөһээ Бүлүү улууһугар историческай түгэн буолан ааста. Өрөгөйдөөх Улуу Кыайыы 75 сылыгар аналлаах аттаах дьон Параада өрө көтөҕүллүүлээхтик ыытылынна.


Параадка Үөһээ Бүлүү улууһун уон икки нэһилиэгиттэн 75 аттаах киһи улууспут килбэйэр киининэн Ленин уулуссанан сэлэлии хаамсан, “ураа” хаһыы доҕуһуоллаах, Бүлүү Эбэ Хотун биэрэгин устун ыһыахтыыр Ытык сирбитигэр “Түгэхтэйгэ” диэри хаамтылар.


Улуус олохтоохторо бары санитарнай – эпидемиологическэй ирдэбиллэри тутуһан, Кыайыыны уһансыбыт аҕаларын, эһэлэрин, биир дойдулаахтарын кэриэстээн, бу улахан тэрээһиҥҥэ кыттыыны ыллылар. Оҕолор, кырдьаҕастар дьиэҕэ олорон быһа биэриинэн куйаар ситиминэн холбононнор көрдүлэр, Улуу Кыайыы Параадын үөрүүтүн үллэһиннилэр.
Үлэһит, үтүө – мааны, өркөн өйдөөх дьонноох, сомоҕолоһуулаах үөһээ бүлүүлэр Улуу Кыайыыга, иллээх-эйэлээх олоҕу аҕалсыбыт күндү дьоммутугар сүгүрүйэн дьоһуннаах, умнуллубат тэрээһини оҥорбуттарынан киэн туттабыт!

Валентина Филиппова

Оставить комментарий

Войти с помощью: