Skip to content

АНОНС

Открылся   YouTube канал Тубсааны 

“Ньукуолун күнэ” диэн туохтан үөскээбитин туһунан.

Кузьма Фёдоров (Республика Саха, г. Якутск).
22.05.2020 г.

Былыргы 13 ыйдаах күн халандаарынан, аныгы христианскай (григорианскай) халандаар ыам ыйын 21 күнүттэн төгүрүк сыл отут күннээх бүтэһик, уон үһүс ыйа саҕаланар., Бу күнтэн сайыҥҥы күннэри ааҕаллара, сайылыктарыгар көһөллөрө. Үрүҥ илгэ өлгөмнүк ыанар кэмэ бу ыйтан саҕаланар буолан, ЫАМ ЫЙА диэн ааттаабыттар,
Итэҕэл өйдөбүлүнэн ахсыс халлаан таһыма – Одун Биис, Чыҥыс Хаан. Өҥө – хара саарыл, ыйа – ыам ыйа (21.05-19.06).
Бу таһым киһи аймах барыта төрүт итэҕэли өйдөөн, бары биир киһи курдук ылыннахтарына, дьон өйө-санаата муҥутуурдук сайдан, Айыыларга тэҥнэһиэхтээх таһымнара. Орто туоруу барааһын Дойду бүтэһик, саамай үрдүкү таһыма. Аан эргийии эриллиик өһүнэн сылыктаатахха, киһи бу таһымҥа 89 сааһыттан 144-гэр диэри ыттыахтаах. Аныгы генетик учуонайдар киһиэхэ 1,5 сүүс сааһыгар тиийэр айылҕаттан бэриллэр кыах баар диэн суруйаллар. Биһиги сабаҕалыырбытынан, дириҥ итэҕэллээх, өйүн-санаатын сайдыытын үрдүкү таһымҥа таһаарыахтааҕын өйдөөбүт мындыр киһиэхэ бу сааһыгар бэйэтин этин-хаанын сөргүтэр, олоҕун үһүс түһүмэҕин түстүүр улахан кыах арыллыахтаах быһыылаах. Итини сааһырбыт дьон үһүстээн тииһээбиттэрин холобура элбэҕэ туоһулуур.
Киһи өйө-санаата мындыр өй үрдүкү таһымыгар сайдан тиийиэхтээҕэ биһиги өбүгэлэрбит итэҕэллэригэр өрө тутулларын өйдөбүлүн Аттила ойууннара ҕ-с үйэҕэ Византияҕа күн итэҕэлин тарҕаталларыгар “Николай Чудотворец” диэн аатынан биллэр иконаҕа ойуулаппыттар. Бу иконаҕа мэйиитин икки аҥаардара иккиэн (куолу уонна өтө көрүү өйө) сүүһүгэр лоппойон тахсыбыт, хара саарыл өҥнөөх таҥастаах, сааһырбыт киһи олороро ойууламмыт. Уҥа уонна хаҥас санныгар икки Х”Ыыт” уурунуу бэлиэ суруллубута “өй-санаа сайдыытын үрдүкү таһымнарыгар ыыт” диэн Үөһээ Айыылартан көрдөһүү буолар. Икона уҥа өттүгэр суруга “Энньэ үүн өйү гыныһары Айыһар, өйөө!”, хаҥас өттүнээҕитэ “Энньэ үүн өйү айыһар Дьаһа Өйү ууһуур Һиэр – өҥү ыһар (үҥүһэр)” диэн ааҕыллаллар.
Үс Дойду үрдүкү күүстэрэ тулалыыр эйгэни таҥан оҥороллор диэн төрүт итэҕэл өйдөбүлүн “Никола” уҥа илиитин тарбахтарынан тутан көрдөрбүт. Сөмүйэтэ (сөбү ыйар тарбах диэн, нууччалыыта указательный) Үөһээ Дойду бэлиэтэ (“Заказчик”диэххэ сөп), орто тарбах (средний) – Орто Дойду (“Проектант”), ылгын чыҥыйа (үөһэттэн этиллибити ыл да гын, иччигэ үҥэн ай диэнтэн) – Аллараа Дойду бэлиэтэ (“Исполнитель”). Төгүрүк бэлиэни ханнык баҕарар эзотерическай үөрэхтэр Айыы таҥан оҥорор тулалыыр эйгэ (Вселенная) бэлиэтинэн ааҕаллар, ол иһин “Никола” аата суох тарбаҕын уонна тойон эрбэҕин холбуу тутан төгүрүк бэлиэтин көрдөрбүт (аата суохха Айыы Тойон сыһыннаҕына Аан Дойду үөскүүр, суох баар буолан ааттанар диэн өйдөбүлэ). Хаҥас илиитигэр туппут кинигэтигэр күн харыс бэлиэтэ – былыргы 13 ыйдаах күн халандаара – “биэс харах” ойууламмыт.
Аттила византийскай Орто Дуо Кү Өһө (ортодокс) религиятын иудохристианствоҕа кубулуталларыгар бу икона өйдөбүлүн уларытан, Николай диэн христианскай епископ туһунан сымыйа үһүйээни айан тарҕаппыттар.

Скачать (DOC, 72KB)

Источник: социальная сеть «Фейсбук», блог К.Фёдорова

Оставить комментарий

Войти с помощью: