Skip to content

АНОНС

Открылся канал нашего портала в Ютубе - Канал «Якутия. Образ будущего»

“ЭКОДУХОВНОСТЬ” интервью с атомщиком Иоганом Егоровичом Максимовым. Часть 1,2,3

5 комментариев к статье: ““ЭКОДУХОВНОСТЬ” интервью с атомщиком Иоганом Егоровичом Максимовым. Часть 1,2,3

  1. Интервью с вице-президентом общины якутян Новосибирска, кандидатом технических наук, ветераном атомной и цветной промышленности СССР Иоганом Егоровичем Максимовым было записано 23 марта 2020 г. на ютуб-канале Саргыланы Николаевой – Тубсааны.

  2. Хас биирдии саҥа арылыйан тахсар күммүт сардаҥатыттан үөрэ уһуктабыт дуу, күннээҕи түбүккэ, кыһалҕаларга баттатан сылайан турабыт дуу, кэнники кэмҥэ сылаа, эт-сиин ыалдьара эдэримсийэрин көрөбүт, аан дойдуга баар араас ыарыылар тарҕаналларыттан бүтүн Киһи аймах долгуйар, куттанар.
    Киһи бу орто туруу дойдуга тоҕо айыллан кэлбитий, тоҕо хайдах олоҕун дьаһаныахтааҕый диэн ыйытыкка хас биирдии киһи тус бэйэтигэр эппиэт булан олорор буолуохтаах, онтон бу тыыннаах олорор сирбэр мин туох туһаны аҕаллым, оҥордум диэн, айылҕабыт тоҕо алдьанна, тоҕо күн -түүн көстүүтэ уларыйан, араас катаклизмнар буола туралларый диэн, хоннохтоох ыйытыктар аҕыйах киһини арааһа долгуталлар…
    Бэҕэһээ, “Тубсаана айар бөлөҕө”, ураты дьикти өйдөөх, киэҥ, дириҥ билиилээх, Саха сирин биир бастыҥ, тарбахха баттанар дьон ахсааннарыттан биир сэдэх ученай-академигы Иоган Егорович Максимовы кытта көрсөн, истиҥ иһирэх кэпсэтии буолла..
    Тус бэйэбэр миэхэ историческай түгэн, бэйэм олохпор эпоха сүдү киһитин кытта кэпсэтэн, илии тутуһан, кинигэ бэлэхтэтэн, үөрэн-көтөн, дьол биир амтаннаах утаҕын, Афанасий Алексеевич уонна Тубсаана улахан сабыдыалларынан ыймахтаатым, бу үтүө мааны, улаханнык ытыктанар дьоннорбутугар сиргэ тиийэ сүгүрүйэбин!
    Үтүөнү, кэрэни умнуллубат көрсүһүүнү үтүө дьон бэлэхтииллэр, бэрсэллэр, көҥөммөккө үллэстэллэр. Мин үгүс киһини кытта алтыһан кэлбит кэммэр, маннык үөрүнньэҥ, сайар аһаҕас эйгэлээх, ыраас санаалаах дьону көрсө илик эбиппин. Ол иһин бэҕэһээҥҥи түгэн, долгуннуу дохсун санаалары сахта, байҕаллыы дэлэй толкуйдары биэрдэ.
    Кэрэ киһи кэрэни саҕар, ол кэрэтэ үйэлээх, киһи уйулҕатын таарыйар, киһи онтон дьоллонор, ол Дьол бу кэрэни сахпыт үтүө киһиэхэ уон оччонон тиийэр. Мин бэҕэһээ сэдэх кинигэни бэлэхтэтэн, олус долгуйдум, үөрдүм, Тубсаанаҕа барҕа махтал!!!🙏🏻🙌🏻😘😘😘Бу кинигэ тоҕо сэдэх буоларын уонна күндүтүн быһаарыым.
    Бастатан туран кинигэ экземпляра -1000 эрэ. Бу маннык улахан таһымнаах кинигэҕэ аҕыйах. Аҕыйах хонугунан бу бүтүөҕэ, онно биир кинигэ мин дьиэтээҕи библиотекабар баар буолбута, бу үөрүү. Кинигэ тоҕо сэдэх буоларый?
    Мин дьиэбэр сэдэх кинигэлэри хомуйсубутум ыраатта, ол иһин ити суолтатын өйдүүбүн…Историяҕа маннык уһулуччу дьоннор бэйэлэрэ биир -икки буолаллар, онтон Иоган Егорович эпоха киһитэ буолар, бүтүн киһи аймах бу кэмнэргэ хайдах олорон кэлбитин, билигин хайдах олорорун билэр, анализтыыр, бүтүн олох хаамыытын сыһыары тутан, үөрэппит, үөрэтэр, тэҥниир, көрбүт, истибит Киһи буолар, тус бэйэтэ оннук киһи суруйуута сэдэх, сотору кэминэн бу кинигэ көстүө да суоҕа. Кэрэ сэдэх буолар…
    Онон, мантан инньэ мин олоҕу анаарар, сылыктыыр суруйар-бичийэр үлэбэр, бу кинигэ төһүү күүс буолар. Ол баҕабын өтө көрөн, инникибэр туһанарбын билбит эдьиийбэр Тубсаанабар, дириҥ киэҥ эйгэлээх, толкуйдаах Афанасий Алексеевичка, кини бу маннык сүдү киһини кытта көрсүһүннэрбитигэр муҥура суох махтал! Онтон, атын биһиги билбэккэ, көрсүбэккэ да хаалыахпытын сөп этэ.
    Ол иһин киһи бу олоххо кимнээҕи кытта эйгэ тутар да, ол эйгэттэн сайдар. Үтүө киһилиин эҥэрдэһиэҥ, өрүү олоҕун чиҥ тирэхтээх, кэрэ эйгэлээх, дириҥ суолталаах, баараҕай аартыкка сирдиир ыллыктаах буолуоҕа!
    Бу үтүө көрсүһүү уостубакка, бар дьоммутугар салгыы тарҕаныахтаах, бу бэриллибит бэлэх биир киһи иһигэр сытыа суохтаах, онон бэлэх эппиэтинэскэ сирдиир, салҕыы күүстээх үлэ ыытарга диэн тус бэйэм ылынным!
    Барҕа махтал!!!
    Бээрийэ кыыһа Айгыына🌹

  3. Иоган Егорович Максимовка анабыл хоһоон.

    Быйыл кыайыы күнүн
    Бэлиэ күнэ!
    Барыбыт сүрэхпит
    Баастаах күнэ!

    Бэҕэһээ дьикти ыалдьыт
    Бэйэтинэн тиийэн кэллэ.
    Бириэмэтин бэлэх уунна.
    Бэртээхэй ахтыы уһулунна.

    Саха Сирин саарына
    Чурапчы чулуу уолана
    Академик, атомщик
    Аламаҕай арыалдьыт.

    Сайдыы суолун эрдэ туппут,
    Сахатын Сирин аатырдыбыт
    Сайаҕас киһи сайа тыынна
    Сырдык санаа тырым гынна.

    Оҕо сааһын аҕынна,
    Олох сыалын анаарда.
    Муударай көрүүтүнэн
    Маанылаан кутун үөртэ.

    Сэрии бэтэрээнигэр тэҥнээх
    Сэмэй киһини сэҥээрдим.
    Сэдэх кытаанах үлэлээҕин
    Сэһэниттэн сэрэйдим.

    Саҥа үйэ кирбиитигэр,
    Саха кута сайдыытыгар
    Саҥа сүүрээн киллэрэр,
    Сырдык суолга туһулуур.

    Сайдыылаах үтүө сүбэһит
    Сахаларга ахсааннааҕын
    Сатабылын сыаналааҥ!
    Саргыларын айхаллааҥ!

    Быйыл кыайыы күнүн
    Бэлиэ күнэ!
    Бар дьоммутун ахтыаҕыҥ!
    Барыларын чиэстиэҕиҥ!
    Туску!

    Сир симэҕэ🌺- Лэппириэн кыыһа.
    24.03.2020 с. 8 ч.58 м.
    🌿🌿🌿🌿🐎🌿🌿🌿🌿

  4. ☀💓🐎🦋🌈🦋🐎💓☀
    Бука бары үлэлэһэ, саха кутун үөрдэ сылдьар дьоҥҥо уруй- айхал! Саха сирин сайдыытыгар кылааккытык киллэрэ, айа- тута, араҥаччылыы, харыстыы сылдьаргытыгар барҕа махтал! Үгүрү – сүгүрү! Николаевтар курдук дойдуларыгар, норуоттарыгар дьиҥ бэриниилээх дьонтон дьоллонон үөрэбин, сыаналыыбын, сүгүрүйэбин! Алгыс аалы көтөхтүн! Туску!
    Сир симэҕэ🌺
    ☀💓🐎🦋🌈🦋🐎💓☀

  5. Книгу И.Е.Максимова можно приобрести в книжном киоске Дома Правительства РС(Я)

Оставить комментарий

Войти с помощью: