Skip to content

АНОНС

Открылся канал нашего портала в Ютубе - Канал «Якутия. Образ будущего»

Эмис олохтоохторо идэһэни өлөрүү урукку сиэрин-туомун ыыттылар

Сегодня, 18:12

Дьокуускайдааҕы култуура колледжын устудьуоҥката Уйгу Сысолятина дипломнай үлэтин биир дойдулаахтарыгар дьүүлгэ таһаарда.


Эмис нэһилиэгэр быйылгы Идэһэ бырааһынньыгар былыр өбүгэлэрбит убаһаны хайдах идэһэҕэ өлөрөр сиэрин-туомун көрдөрдүлэр. Бу  Дьокуускайдааҕы култуура колледжын устудьуоҥката Уйгу Сысолятина дипломнай үлэтэ буолар.

Идэһэ күнүгэр хаһан да буоларын курдук ас-үөл быыстапката турда, туора муостаахпытыгар, сыспай сиэллээхпитигэр, көмүс хатырыктаахпытыгар сыһыаннаах күрэхтэһиилэр ыытылыннылар.

Маны сэргэ тыа хаһаайыстыбатыгар өр сыл үлэлээбит бэтэрээннэргэ, сайын элбэх үүтү туттарбыттарга нэһилиэк дьаһалтатын махтал суруктара туттарылыннылар. Онтон киэһэ кулууп 69-с сезонун арыйар кэнсиэр буолла.


Идэһэ быыстапкатын саамай эмис эттээх уонна хаһалаах бааһынай хаһаайыстыбанан «Галина» хаһаайыстыба буолла. Маны сэргэ Идэһэ күрэхтэһиитин Олоҥхо театрын артыыһа Дмитрий Иванов олохтоохторго анаммыт оһуохайынан түмүктэммитэ биир кэрэ бэлиэ түгэнинэн буолла.


Күрэхтэһиилэргэ кимнээх кыайыылаах тахсыбыттарын, туохха илин-кэлин түспүттэрин сиһилии «Амма олоҕо» кэлэр нүөмэригэр ааҕаарыҥ.

Ааптар:  «Амма олоҕо» хаһыат.

Оставить комментарий

Войти с помощью: