Skip to content

АНОНС

Открылся канал нашего портала в Ютубе - Канал «Якутия. Образ будущего»

АММАҔА НЬУРБАЛАР БУОКСАҔА БҮГҮН БАСТАКЫ КЫАЙЫЫЛАРЫН СИТИСТИЛЭР

Сегодня, 16:22

 

 

Бүгүн Л.В.Киренскэй аатынан Амматааҕы лиссиэй спорт-саалатыгар буоксаҕа финал чиэппэринээҕи күрэхтэһиил эр ыытылла тураллар. Өрөспүүбүлүкэ араас улуустарыттан тирии бэрчээккэ маастардара 49, 56, 64, 75 уонна 91 кг диэри ыйааһыннарга сытыытык киирсэ сылдьаллар. Дьон боксуордарыгар ыалдьан хаһыытыттан саала иһэ оргуйан олорор. Ньурба улууһун хамаандатыттан спорт маастара Николай Матвеев (49 кг) уонна Алквиад Иванов (64 кг) чаҕылхай кыайыыны ситистилэр. Матвеев Николай Сунтаартан сылдьар Ян Максимовы эрэллээхтик баһыйда. Оттон Алквиад Иванов Уус-Алдан боксуорун Николай Протопопову дөйүтэн, ыраас кыайыыны ситистэ. Уолаттарбыт салгыы полуфиналга киирсиэхтэрэ. Итини сэргэ Филиппов Виталий быһа полуфиналга тахсыаҕа. Сарсын 3 атын боксуордарбыт киирсэллэрэ күүтүллэр. Улахан күрэхтэһиигэ үчүгэй бачыымы көрдөрбүт табаарыстарын холобурдарын батыһан үчүгэй киирсиилэри көрдөрөллөрүгэр эрэниэҕиҥ.

 

Ааптар Геннадий АНТОНОВ

Оставить комментарий

Войти с помощью: