Skip to content

АНОНС

Открылся канал нашего портала в Ютубе - Канал «Якутия. Образ будущего»

СИРИ-ДОЙДУНУ АҺАТЫЫ

 

Муус устар ый үүннэ. Итэҕэл быһыытынан АЙЫЫҺЫТ ыйа. Ол аата Таптал уонна төрүөх ыйа.

Муус-устар дьиҥнээх сааскы ый – ылаарар, чалбах, онтон сотору харалдьыктар тахсыахтара. Айылҕа уһуктан барыа, көтөрдөр кэлиэхтэрэ. Ый бүтүүтүгэр хаар уллан баранар.Дьэ бу кэмҥэ дьон Айылҕаҕа, даачаҕа, сайылыкка тахсара элбиир. Саха киһитин сиэрин быһыытынан сири-уоту хайаан да аһатыллар.

ТУГУ, ТӨҺӨНҮ, ХАЙДАХ УУРАН СИРИ-ДОЙДУНУ АҺАТЫЛЛАРЫЙ? – диэн саастах да дьон ыйытааччылар. Онно маннык хоруйу биэрэбит.

31 лабырыай

Сири-дойдуну анаан аһатар буоллахха сахалыы алаадьыны эбэтэр ЛАБЫРЫАЙЫ, кыра кээмэйдээх буоллаҕына ЛАБЫРЫК диэн ааттанар, астаан илдьэн аһатар ордук. Былыр нууччалар кэлиэхтэрин иннинэ сахалар лабырыай астыыллара. Онтон нууччалары үтүктэн онтуларын алаадьы диэн ааттыыр буолбуттара.

АЛГЫС ЛАБЫРЫГА

Дьиҥнээх лабырыай ынах үүтүгэр сымыыты, ону-маны эппэккэ эрэ, тууһаан баран ынах арыытыгар буһарыллар.
Алгыска анаан лабырыгы кыра гына оҥороллор. Кээмэйэ БИИР ЛАБЫРЫГЫ БИИР ЧААЙЫНАЙ НЬУОСКА УБАҔАС ЧИЭСТЭТТЭН буһараллар.

ТӨҺӨ ЭЛБЭХ ЛАБЫРЫГЫ УУРАБЫТЫЙ?

Иччилэр эн биэрэр аһыҥ сытын эрэ ылаллар, онон улахана, элбэҕэ суолтата суох. Лабырык ахсаана 5 буолуохтаах. Ону саха харысхалын, эбэтэр Айыы Таҥара кириэһин курдук кириэстии уураҕын.
Өскөтүн анал Лабырыгыҥ суох буоллаҕына биир алаадьыны 5 гына быһыта тыытан ууруохха эмиэ сөп. Хайаан да бүтүн алаадьы ууруллуохтах диэн буолбатах. Алаадьыта суох буоллаххытына арыылаах килиэби да биэс гына уурар буолуҥ.

ОҺОХХО, КУТААҔА УОТУ, СИР-ДОЙДУ ИЧЧИЛЭРИН АҺАТЫЫ УРАТЫЛАРА

Оһох, Кутаа уота суостаах буолан лабырыккын, алаадьыгын биэс гына бэрээдэктээн уура турарыҥ кыаллыбат. Ол иҺин алгыы-алгыы субуруччу лабырыккын 5 төгүл уоккар аа-дьуо ыксаабакка эрэ быраҕан биэрэҕин.

АЛГЫС ЭТИИТЭ

Бэлэм Алгыһы үөрэтэн кэлэн сири-дойдуну аһата-аһата алгыыр үчүгэй. Ол гынан баран, Алгыһы хас биирдии киһи бэйэтэ этэрэ ордук. Хайаан да уус тыллаах буолуохтаах диэн буолбатах, кылаабынайа ис сүрэхтэн тахсыахтаах. Алгыһы таска таһааран эбэтэр ботугураан этиэххэ эмиэ сөп. Иччилэр хайатын да истэллэр.
Алгыс Тускуо! – диэн тылынан түмүктэниэхтээх.

 

 

 

Оставить комментарий

Войти с помощью: