Skip to content

АНОНС !!!

❗❗❗БИЛЛЭРИИ❗❗❗

Тохсунньу ый 1⃣7⃣ күнүгэр, чэппиргэ, уонна өйүүн, тохсунньу ый 1⃣8⃣ күнүгэр, бээтинсэҕэ, киэһэ 1⃣6⃣ чаастан 2⃣0⃣ чааска диэри, Дьокуускай куоракка, Петр Алексеев уул. 49/1 аадырыска, актовай залга, былыргы саха үрүҥ ойууннара Аан Дойдуну анааран көрөр кистэлэҥ билиилэрин уурунан хаалларбыт суруктарын үөрэтэр
“СилиС” түмсүү бэйэтин кыттыылаахтарыгар уонна бары саха төрүт итэҕэлин сэргээччилэргэ анаан сөргүтүллүбүт түҥ былыргы, дьылҕаны тупсарарга аналлаах, аптаах дьурааны таайан ааҕыллар уурунуу сурук көмөтүнэн оҥоһуллар дьиҥнээх сахалыы

ТАҤХА СҮҮРДҮҮ

сиэрин-туомун толорууга ыҥырар.

Хобу Ылыык (уурунуу суругунан алгыстаах хабылык), Хому Ыскай (уурунуу бэлиэлээх хаамыска) уонна таҥхалаах (уурунуу бэлиэлэринэн суруллубут дьылҕаны уларытар 31 сүһүөхтээх хоһоон) Кыырчах Ойуун былыргы үрүҥ ойууннар Айыылардыын быһа алтыһар ньымаларын көмөтүнэн инники буолаары турары сэгэтэн көрдөрүөхтэрэ, дьылҕаны көннөрөр Айыы суолун түстүөхтэрэ.

Программаҕа:

1. Саха кэпсээбэт кистэлэҥэ. Кэлбит дьоҥҥо анаан историческай наука кандидата Афанасий Николаев бэйэтин бэчээккэ тахсыбыт үлэлэрин кытта билиһиннэриэ.

2. Саха төрүт итэҕэлэ үөскээбит кэмин, дойдутун, төрдүн-төбөтүн билиэн баҕалаахтар “СилиС” түмсүүнү тэрийээччилэри Кузьма Федоровы – Ап Оллоон уолун уонна Андрей Кривошапкины – Айыҥаны кытта атах тэпсэн олоророн аһаҕастык сэлэһиэххитин сөп.

3. Саха оһуорун-бичигин кистэлэҥ алгыстаах өйдөбүллэрин билиэн баҕалаахтарга Константин Артемьев – ТАЙЫЛ уонна Екатерина Копырина – КЭТЭР ИИС кэпсиэхтэрэ-сырдатыахтара.

Кинигэлэр, уурунуу суруктаах харысхаллар, сувенирдар атыыланыахтара.

КИИРИИТЭ БОСХО.

Инники буолуохтааҕы сэгэтэн көрөн, дьылҕаларын тупсарыныан баҕалаахтарга тус бэйэҕитигэр анаан ТАҤХА СҮҮРДҮҮ сиэрэ-туома толоруллуо. Сыаната 500 солк.

Баҕалаахтарга “СилиС” түмсүүнү түстээччилэртэн биирдэрэ Наталья Дмитриева – Дьирибинэ хаартынан сэрибиэйдээн инникигитин кэпсиэн, Айыы суолун арыйан биэриэн сөп. Төлөбүрэ кэпсэтиинэн.

КӨХТӨӨХТҮК КЫТТАРГЫТЫГАР ЫҤЫРАБЫТ❗

“СилиС” түмсүү. Билсэр тел.
89142350020

Биллэриини тарҕатан иһэргит биһирэнэр

Оставить комментарий

Войти с помощью: