Skip to content

АНОНС

Открылся канал нашего портала в Ютубе - Канал «Якутия. Образ будущего»

Бүгүн Саха Союһа тэриллибит күнэ.

Илья Колосов, историк (Майа).
тохсунньу 4 күнэ, 2019 сыл.

Нуучча бастакы революциятын баттаһа 1906 с.тохсунньу 4 күнүгэр В.В.Никифоров-Күлүмнүүр көҕүлээһининэн, кини дьиэтигэр улуустартан, куораттан 200-кэ саха интеллигенэ, кулубата, письмоводителлэр мустан бэйэни салайыныы-земство тэринэргэ сүбэлэспиттэрэ, норуокка ыҥырыы оҥорбуттара, Россия ис дьыалатын министрэ Плевеҕа түһээни-нолуогу төлөөбөттөрүн, полиция дьаһалыттан тахсалларын, церковнай уо.д.а. сирдэри барытын сахалар бас билиилэрэ буолуохтааҕын, госдумаҕа сахалартан депутат көрүллүөхтээҕин, мантан инньэ сахалар бэйэлэрэ земстволаах буолалларын модьуйан ультиматум сурук ыыппыттара.
Улахан өрө күүрүүлээх кэм буолбута.Үгүс улуустар, нэһилиэктэр үөрүүнэн өйөөбүттэрэ, бэйэлэригэр союз филиалларын тэрийбиттэрэ, полицияны, ыраахтааҕы чиновниктарын билиммэт буолан испиттэрэ. Союз Киин Комитеттаах буолбута.
Маны губернатор Булатов, чиновниктар, полиция, казактар сөбүлээбэтэхтэрэ.Утары үлэни ыытан барбыттара, киинтэн өйөтөн, бары күүстэрин холбоон “Саха союһун”хам баттаабыттара.Ол да буоллар, “Саха союһа” саха норуотун киэҥ маассатын өйүн-санаатын уһугуннарбыта, сэнэнии уонна батталга бас бэринии сыстыганнаах ыарыытыттан эмтээбитэ.

Оставить комментарий

Войти с помощью: