Skip to content

АНОНС

Открылся канал нашего портала в Ютубе - Канал «Якутия. Образ будущего»

Былаас “Айдаарыма” диир. Кини саҥарбат дьоҥҥо эрэ наадыйар.

Айыы Сиэн (Республика Саха, г. Якутск).
30.10.2018 г.

Көҥүл этэриҥ, тыынарыҥ тууйуллубута,
саҥарарыҥ сарбыллыбыта,
суруйарыҥ сотуллубута.

Мустарыҥ, мунньахтыырыҥ бобуулаах,
чугас миитинниириҥ мэктиэлэммэт.

Ол кинилэр баҕаларын даҕаны курдук буоллун!
Айдаарыма диэтиннэр даҕаны.
Баҕар бүгүн күннээтиннэр, күөнэхтээтиннэр!
Оччотугар эн атыннык дьаһан!

1. Тымтыктан халыҥнаах ханнык баҕарар хаптаһыны буллаххына, түөрт муннугун суптуччу кыс, суор, эбэтэр эрбээ.
2. Сирэйигэр хаппах курдук санааҥҥын суруй:
“Оо, Бүлүү, Эйиигин суохтуубун, сырдыккын, ырааскын, кэрэҕин, нарыҥҥын, биһиэхэ өрүүтүн тыыннааххын.”
“Мы помним твою красоту, чистоту” о.д.а.

Кэлин сирэйигэр ким буруйдааҕын төһө билэргинэн тус туһунан анаан ааттаталаа:
“Министерство цветной металлургии СССР” – министр П.Ф.Ломако,
“Производственное объединение Якуталмаз” – ген. директор В.В.Рудаков…

Ити курдук систэммит тутул тойотторугар,
кинилэр уу анаалыһын оҥорооччуларыгар,
арбаан суруксуттааччыларыгар тиийэ
ханнык баҕарар буруйдаахтары барыларын
тус-туһунан анаан ааттаталаа!

Ханнык баҕарар үрүйэ, үрэх, көҥүс, өрүс
аны сааскы халаанын уута
Ѳлүөнэ Эбэ Хотунунан төрдүгэр тиэртэҕинэ,
Аҕа акыйааммытыгар муһуннахтарына,
Сир Ийэ Хотун бэйэтэ дьүүллэтиэҕэ,
Аҕа Халлаан бэйэтинэн дьаһайыаҕа!

Ким маны көрбүт, истибит, аахпыт, суруйбут, чугастык ылыммыт, тарҕаппыт, тэниппит, оҥорбут, олоххо киллэрбит – айымньылаах (автор) аатыраҕын.

Оставить комментарий

Войти с помощью: