СУНТААРГА КҮҺҮҤҤҮ ЛААҔЫР ҮЛЭТИН САҔАЛААТА
Сунтаарга каникул кэмигэр «ПЕРЕЗАГРУЗКА: Гибкие навыки» күһүҥҥү лааҕыр аанын тэлэччи аста. Маннык сонун саҕалааһыны улуустааҕы үөрэх управлениета уонна оҕо дьоҕурун сайыннарар киин тэрийдилэр.
Сунтаар оҕолоро күһүҥҥү каникулларын туһалаахтык атаараллар. Алын сүһүөх оскуола үөрэнээччилэрэ «Эр хоһуун- Юнармия» байыаннай патриотическай кулууп сборугар, «СунтЕралаш» киинэ студияҕа, үрдүкү кылаастар «Торты» минньигэс торт астааһыныгар маастар-кылааска сылдьаллар. «Увлекательная страна» уруһуй дьарыгар оҕолор дьоҕурдарын чочуйаллар, саахымат кулуубугар саҥа комбинациялары тобулаллар.
«Сунтаар хомсомуолларын 100 км Килбиэннээх суолларынан» автотур кыттыылаахтара Сунтаар-Аллыҥа-Тойбохой-Кириэстээх- Табаҕа маршрутунан сылдьыахтара, актыбыыс оҕолор коммунарскай сбордары Аллыҥаҕа, Илимнииргэ, Бордоҥҥо тэрийиэхтэрэ, доҕордоһуу биэчэрдэрин ыытыахтара. Улуустааҕы оскуола оҕолорун Саха КВН-гар бэлэмнэнэн уолаттар хомуур хамаандалара саҥа миниатюралары толкуйдуохтара.
Интэриэстээх оҕолор «Я — инженер» уһуйааҥҥа архитектурнай, бырайыактыыр үлэ кистэлэҥнэрин, сатабылларын баһылыахтара. Күүкэйгэ уустар түһүлгэлэригэр тарбахтарыгар талааннаах уолаттар педагогтар Дмитрий Николаев, Осип Андреев тула түмсүөхтэрэ. Сунтаар оҕолоро күһүҥҥү каникулга туһалаахтык атаараллар диэн Сунтаардааҕы Оҕо дьоҕурун сайыннарар киин пресс-сулууспата иһитиннэрэр.
Ааптар: Ulus.Media
