Skip to content

АНОНС

Открылся канал нашего портала в Ютубе - Канал «Якутия. Образ будущего»

ОСКУОЛАЛАР БААЙ ЭЛЕКТРОННАЙ БИБИЛЭТИЭКЭЛЭНИЭХТЭРЭ

Издание: «ulusMedia»

 

ИРОИПК тэрилтэ оскуола үлэһиттэригэр аналлаах «Цифровая школа: сетевая интеграция» стратегическай сессияны ыытта.  


ИРОИПК иһинэн ыытыллыбыт стратегическай сеесияҕа Таатта улууһун Игидэй орто оскуолатыттан директор Лопатин В.В., информатика учуутала Лопатин Владимир Владимирович, педагог-библиотекарь Попова Гизелла Софроновна кытта сылдьаллар.

Бастаан «ЦИФРОВАЯ ШКОЛА: сетевая интеграция» стратегическай сессияны Алексеева Г.И.Михалева О.И.Кычкина А.Е., ГК «Статус» директора Ушницкая С.Е. астылар, тиэмэлэринэн дакылаат оҥордулар. Онно «Личный кабинет учителя» тугун-хайдаҕын, аттестацияны, үөрэх систиэмэтигэр туох саҥа уларыйыылар киириэхтээхтэрин кэпсээтилэр. Сүнньүнэн «Цифровая школа» федеральнай бырайыак тула кэпсэтии барда.

«L.K.14.ru» образовательнай платформа туһунан сырдаттылар. Учуутал бэйэтин биир идэлээхтэрин кытта сетевой таһымҥа тахсан уопут атастаһар, үөрэнээччилэрин кытта бэйэтэ тэҥҥэ сайдар. Автоматизированнай систиэмэнэн аттестацияны барар. «Личный кабинет педагога» диэн баар буолар. Республика учууталларын туһунан ситимҥэ улахан «база данных» баар буолуо.  Салгыы ханнык категориянан үлэлииллэрин  тест быһаарыа. Бу билиҥҥи аттестацияттан лаппа кытаанах буолара сабаҕаланар. Бастаан нуучча тылын, математика учууталларын кэннэ сыыйа атын предметтэргэ киириэҕэ.  Учуутал аттестацияны ааһарыгар көмүскэллээх буоларыгар  «Дорожная карта учителя» национальнай бырайыагынан сирдэтиэн сөп. Үөрэнээччилэргэ эмиэ маннык курдук онлайн-оскуола баар буолуо.

Оскуолаҕа бибилэтиэкэ сүрүн миэстэни ылыа. Биир кэлим электроннай системаҕа өрөспүүбүлүкэ оскуолалара бука бары киириэхтэрэ. «1С: Библиотека» программа хас биирдии үөрэх тэрилтэтигэр туруохтаах. Оччоҕо Россия ханнык баҕарар бастыҥ бибилэтиэкэлэригэр кинигэ ааҕар, көрөр кыах үөскүө.  Билигин Национальнай бибилэтиэкэ ити боппуруоска үлэлэһэ сылдьар.

Оҕо электроннай бибилэтиэкэҕэ киирэн, бэйэтин смартфонугар наадалааҕын уктан илдьэ барар кыаҕын тэрийэ сатыахтаахпыт.  Билиҥҥи учебниктар электроннай версиялаахтар,  онно эбии матырыйаал бөҕө баар. Учууталлар ону билбэккэ олороллор, аныгы учебник кыаҕын ситэ туһамматтар. Кытаатан биһиэхэ кэлэн үөрэниҥ, бибилэтиэкиҕитин сайыннарыҥ, — диэтилэр тэрийээччилэр.

Ааптар: Гизелла Попова

Оставить комментарий

Войти с помощью: