Skip to content

АНОНС

Открылся канал нашего портала в Ютубе - Канал «Якутия. Образ будущего»

БЭРДЬИГЭСТЭЭХХЭ ЭЛБЭХ ОҔОЛООХТОРГО БЭРИЛЛЭР СИР ХАННА ТИИЙДЭ?

Сегодня, 12:25

 

 

Горнай улууһугар үс эбэтэр онтон элбэх оҕолоох ыалларга сир учаастагын түҥэтии уочаратын туһунан билиэн баҕалаах элбэх. «Үлэ күүһэ» хаһыат редакциятыгар бу туһунан суруйарга хас да ийэ көрдөстө. Ол туһунан исписэлиистэр тугу этэллэрий?


«Бэрдьигэстээх нэһилиэгэ» МТ баһалыгын солбуйааччы Алексей Аргунов:

— Генеральнай былааммыт бигэргэннэҕинэ эрэ хамсааһын тахсар. Билигин былаан Москваҕа «Минэкономразвитияҕа» сөбүлэһиигэ сытар. Ол кэннэ Бэрдьигэстээх кэҥиир, бэриллэр сир элбиир кыахтаах. Учаастак ойуурун солооһуҥҥа, уотун тардыыга тутуу министиэристибэтин иһинэн туспа программа үлэлиир. ПМК сирэ итинэн оҥоһуллубута. Оннук киирсэн салгыы үлэлэһиэхпит.

Сиргэ, баайга-дуолга сыһыаннаһыыга улуустааҕы управление специалиһа Степан Колесов:

— Бэрдьигэстээх генбылаана Москваҕа барбыта үһүс сыла. Кэтэһэбит. Бу сылга биллиэхтээх. Сокуонунан элбэх оҕолоохторго бэриллэр сир суоллаах, уоттаах буолуохтааҕа ирдэнэр. Ыллыҥ да бэриллибэт.

— Аукциоҥҥа таһаарыллар сир тоҕо элбэх оҕолоохторго бэриллибэтий?

— Аукциоҥҥа тахсар сирдэри олохтоохтор бэйэлэрэ булаллар. Салгыы аукционнаһан, сүүрэн-көтөн, докумуоннаһан, кыайдахтарына, төлөөн баран, бэйэлэригэр оҥоттороллор. Элбэх оҕолоохтор эмиэ бэйэлэрэ сир буллахтарына, анал хамыыһыйа көрөн бигэргэттэҕинэ эрэ, уһаайбаҕын ылыаххын сөп. Онно тугу даҕаны төлөөбөккүн.

Ааптар: Күннэй Алексеева.

Сүрүн хаартыскаҕа элбэх оҕолоох Кривошапкиннар дьиэ кэргэн.

Оставить комментарий

Войти с помощью: