ҮӨҺЭЭ БҮЛҮҮГЭ АҺЫМАЛ ААХСЫЙА ТҮМҮКТЭННЭ
Соторутааҕыта Үөһээ Бүлүүтээҕи сокуоннай саастарын ситэ илик оҕолору реабилитациялыыр киин иһинэн ыытыллар «Соберем ребенка в школу» диэн аһымал аахсыйа түмүктэннэ.
Үөһээ Бүлүүлэр үгэс буолбут аһымал аахсыйатын атырдьах ыйын 15 күнүттэн ыыттылар. Былыр-былыргыттан кэлбит саха норуотун биир үтүө үгэһин тутуһан, кыаммат ыаллар оҕолоругар канцелярскай мал хомуйдулар.
Быйылгы дьылга улуус үрдүнэн 27 ыалга, ол иһигэр быйыл бастакы кылааска саҥа киирэр 16 оҕо үөрэнэр тээбириннэри туттулар. Оҕолор үөрэхтээх дьон буолан дойдуларын сайыннарыахтара турдаҕа.
Сокуоннай саастарын ситэ илик оҕолору реабилитациялыыр киин кэлэктиибэ аахсыйаҕа сэмэй кылааттарын киллэрсибит үтүө санаалаах Үөһээ Бүлүү дьонугар: “Үөһээ Бүлүү сэлиэнньэтэ” МТ баһылыгар Максим Филиппович Силигияновка уонна кини кэлэктиибигэр, “Ростелеком” ЛТЦ 8 ПАО начаалынньыгар Зоя Степановна Борисоваҕа, ИП Люция Петровна Спиридоноваҕа («Берег» маҕаһыын), ИП Александр Иванович Антоновка («ПроФото»), «Алмазкредитсервис» КУ СКПК КС салайааччытыгар Анжелика Михайловна Захароваҕа, кини кэлэктиибигэр уонна Үөһээ Бүлүү олохтооҕор Юлия Михайловна Николаеваҕа махталын тиэрдэр.
