Skip to content

АНОНС

Открылся канал нашего портала в Ютубе - Канал «Якутия. Образ будущего»

СУНТААРГА ”ФЕРМА-2: ДЬОЛ ТААҺА” РЕАЛИТИ-ШОУ УСТУУТА ТҮМҮКТЭННЭ

“Саха” НКИХ каналыгар үһүс реалити-шоу устуута түмүктэннэ. Саха телевидениетын Сунтаардааҕы филиала Күндэйэ Таас сайылыгар “Ферма-2: Дьол тааһа” реалити-шоуну тэрийэн, кыттааччылар сэттэ күн устата пиэрмэ үлэтигэр, олоҕор-дьаһаҕар араас тургутууну ааһалларын уһуллулар. Манна эдэр дьон Амматтан Николай Попов, Үөһээ Бүлүүттэн Мария Николаева, Вилюя Родионова, Ньурбаттан Ньургустаана Константинова, Сунтаартан Илья Иванов, Клим Васильев, Трофим Иванов, Станислав Максимов, Ольга Захарова, Анна Иванова бааллар.


Сунтаарга ”Ферма-2: Дьол тааһа” реалити-шоу устуу кэмигэр олоххо буолар бары түгэн көһүннэ. Биэс сулумах кыыс уонна биэс уол ынах ыатылар, оттоотулар, илимнээтилэр, саха төрүт үгэстэригэр холоннулар. Сэттэ күн устата Күндэйэнэн, Элгээйинэн, Кэмпэндээйинэн сылдьан арааска күрэстэстилэр. Бэйэ илиинэн ылбыт үрүҥ илгэлэрин бородууксуйаларын атыылаан да көрдүлэр.

Сэргэх бырайыакка эдэр дьон саҥа доҕор-атас буллулар, арааска холоннулар, дьоллорун да көрсүбүттэр баар буолуохтарын сөп. Күрэс түмүгүнэн кыайыылаах үрдүк аатын “Модун” хамаанда – Үөһээ Бүлүүттэн Мария Николаева уонна Сунтаартан Илья Иванов ылан 50-нуу тыһыынчалаах солк. путевка ылары ситистилэр.

Мантан инньэ Сунтаар ТВ таҥыы үлэтин саҕалаата, бу күһүн Саха НКИХ каналыгар көрөөччүлэр Саха сиригэр үһүс, Сунтаар улууһун иккис реалити-шоутун көрүөхтэрэ.

Устар бөлөххө үлэлээтилэр: салайааччы Ольга Захарова, редактор-режиссердар Ньургуйаана Харчасова, Мария Кобельянова-Тускулаана, оператор-монтажердар: Роман Уаров, Вячеслав Борисов, Ярослав Филиппов, Михаил Сивцев, суоппар Дмитрий Егоров.

”Ферма-2: Дьол тааһа” реалити-шоу Сунтаар улууһун тыатын хаһаайыстыбатын, көхтөөх ыччатын көрдөрүө уонна туризмы сайыннарыа диэн бигэ эрэллээхпит.

Ааптар: Мария КОБЕЛЬЯНОВА.

Оставить комментарий

Войти с помощью: