“Төлкө”общественнай түмсүү бу дьыл бэс ыйын 27 күнүгэр ыытыллыбыт “Күн оҕото” форум туһунан тэрээһин.
Бу дьыл бэс ыйын 27 кунугэр Мэҥэ-Хаҥалас улууьугар Аллараа Бэстээххэ “Төлкө” общественнай түмсүү улаатан эрэр оҕолорго, кинилэр төрөппүттэригэр, уһуйааччыларыгар анаан “Күн оҕото” форуму ыытта. Бу форум сүрүн тосхоло – куйаартан ситимнээх Үрүҥ Күн тутулунан үүнүү-сайдыы. “Төлкө” түмсүү өбүгэ үтүө үгэһинэн кэнчээри ыччаты сахалыы сиэргэ-майгыга, тыл иччитигэр, төрүт хамсаныыга, төрүт дьарыкка уһуйаллар. Түмсүү салайааччыта Иван Иванович Румянцев, бырайыактынай үлэлэрин методиһа Анна Андреевна Холмогорова, уьуйааччылар Дор5оон Дохсун, Аркадий Егоров уо.д. а. Кинилэр үлэлэригэр күүс – көмө буолаллар “Алаас Ыала” хамсааһыны төрүттээбит Мария Михайловна, уус Максимов – Дьукка Уус уо.д.а. ” Күн Оҕото” Төлкөлөр ыһыахтыыр сирдэригэр киэҥ нэлэмэн төкүнүк алааска олус истиҥник ааста. Бу тэрээһиҥҥэ тирэх буоллулар . кэргэн отделын салайааччыта Захаров К.А., Аллараа Бэстээх культура дьиэтин директора Апросимов Л.Е., ” Уус Утума” общественнай түмсүү салайааччыта Надежда Идэлги. Төлкөттөн уһуйуллан тахсыбыт устудьуоннар Владимир Желовцов уонна Олег Сергучев тэҥҥэ үлэлэһэ сылдьаллара киһини үөрдэр. Форумҥа историческай наука кандидата Афанасий Алексеевич Николаев, алгысчыт, субэьит Саргылаана Борисовна Николаева-Тубсаана уонна суруналыыс, суруйааччы Акулина Иванова – Айгыына кыттыыны ыллылар. Сыл ахсын Дорхоон Дохсун бырайыагынан ыытыллар “Боотур Омооно” улаатан эрэр уолаттарга күөн күрэс бэрт сэргэхтик уонна тыҥааһыннаахтык ааста. Бу тэрээһин саҥа көрүҥүн, “Сир симэ5э” кыыс ис кэрэтин арыйар аналлаах күөн күрэһи Айталина Семенова иилээн- саҕалаан ыытта. Түмүккэ, уол о5ону иитии тематыгар аһа5ас кэпсэтии буолла. Тэрээһин үрдүк таһымнаахтык ааста. Куоракка олорор төрөппүттэр оҕолорбутун сахалыы эйгэҕэ сыһыарарга сөптөөх хайысхалаах тэрилтэ баарыттан үөрдүбүт. Өбүгэ үгэһин кэнчээри ыччакка тиэрдэр дьоһун дьоммутугар махталбыт улахан.
Сурукка тистэ тереппут Шолпана Осипова
