Skip to content

АНОНС

Открылся канал нашего портала в Ютубе - Канал «Якутия. Образ будущего»

АКАНАҔА “САХА ОМУГУН САМНЫБАТ САРГЫТА” ТЭРЭЭҺИҤҤЭ ТҮӨЛБЭЛЭР ТУРУУЛАСТЫЛАР

П.С.Егоров аатынан Акана орто оскуолатыгар Саха Өрөспүүбүлүкэтин күнүн чэрчитинэн » Саха омугун самныбат саргыта» тэрээһиҥҥэ нэһилиэк өркөн өйдөөхтөрө, күүстээхтэрэ-быһыйдара күөн көрүстүлэр, көрү-нары оройуттан туттулар. Күрэхтэр түмүктэринэн кыайыылаахтар быһаарылыннылар.

«Өркөн өй түһүлгэтэ» күрэххэ 1 үрдэли — «Саһарҕа», 2 үрдэли — «Кэнчээри», 3 үрдэли — «Тускул» , 4 үрдэли «Кэскил» түөлбэ ыллылар. «Саха кыыһа — сир сиэдэрэй симэҕэ» куукулаҕа сахалыы таҥас күрэҕэр: 1 үрдэли — Николаева Женя, 2 үрдэли — Семенова Сайаана, 3 үрдэли Афанасьева Камилла аастылар.

«Өбүгэ оонньуулара» сахалыы илии-атах оонньууларыгар бастакыны «Кэскил», 2-һи «Кэнчээри», «Тускул» үһүс, 4-кэ «Саһарҕа» таҕыста.

«Олус интэриэһинэй, дьону сомоҕолуур тэрээһин буолла. Көхтөөхтүк кыттыбыт нэһилиэк олохтоохторугар махтанабыт, өссө үрдүк ситиһиилэри, куруук маннык ил-эйэ, доҕордоһуу баар буоларыгар баҕарабыт«, — диэтилэр тэрийээччилэр.

Ааптар: Агафья Ноева

Оставить комментарий

Войти с помощью: