Skip to content

Внимание ! Мы в Одноклассниках

Роман Дмитриев турнирыгар 14 дойдуттан бөҕөстөр кыттыахтара

Кулун тутар 1-4 күннэригэр Дьокуускайга “Өрөгөй” спорт киинигэр 6-с төгүлүн ССРС спордун үтүөлээх маастара уонна тириэньэрэ, олимпиада чөмпүйүөнэ Роман Дмитриев кэриэһигэр норуоттар икки ардыларынааҕы көҥүл тустууга турнир ыытыллыаҕа. Турнир бирииһин уопсай пуондата 1 мөл. 300 тыһ. солк. тэҥ.

Барыллаан кэпсэтии быһыытынан, аан дойду таһымнаах турнирга Азербайджантан, Болгарияттан, Казахстантан, Грецияттан, Израильтан, Кыргызстантан, Молдоваттан, Монголияттан, Румынияттан, Таджикистантан, Узбекистантан, Соҕуруу Кореяттан уонна Арассыыйа эрэгийиэннэриттэн 1998-2000 сс. төрүөх бөҕөстөр кэлиэхтэрэ. Петр Юмшанов салайааччылаах 20 бөҕөстөн турар Арассыыйа юниордарга сүүмэрдэммит хамаандата туспа хамаанда быһыытынан киирсиэҕэ. Билиҥҥитэ өссө Турция уонна Иран хамаандаларын кытары кэпсэтии бара турар. Саха сирин хамаандатыгар ааттаах-суоллаах бөҕөстөр: ини-бии Алексей уонна Петр Копыловтар, Георгий Кычкин, Петр Константинов, Айсен Попов уонна Максим Толмачев бааллар.

Бочуоттаах ыалдьыт быһыытынан, олимпиада чөмпүйүөнэ, Москубатааҕы 1-кы №-дээх УОР дириэктэрэ Давид Мусульбес, икки төгүллээх олимпийскай чөмпүйүөн, Владикавказ куорат баһылыга Махарбек Хадарцев уонна РФ үтүөлээх тириэньэрэ, Хасавюрт куорат Олимпийскай эрэллэр училищетын дириэктэрэ Магомед Гусейнов кэлэллэрэ былааннанар.

Кыайыылаахтар 50 тыһ. солк., оттон иккис миэстэни ылбыттар – 30 тыһ. солк., үһүс буолбуттар – 15 тыһ. солк. наҕараадаланыахтара. Оттон кыайыылаах тириэньэрэ – 20 тыһ. солк. тутуоҕа.

Кулун тутар 2 күнүгэр (бээтинисэ) көбүөргэ 57, 65, 74, 86 уонна 97 кг ыйааһыҥҥа тустуохтара. Күрэхтэһии 10 ч. саҕаланар. 18 ч.-20 ч. полуфинал киирсиилэрэ. Финал киирсиилэрэ сарсыныгар (кулун тутар 3 күнэ, субуота) киэһэ 18 ч.-20 ч. буолуохтара. Бу күн 61,70,79,92 уонна 125 кг ыйааһыҥҥа киирсиэхтэрэ. Өрөбүлгэ 11 ч. – 13 ч. саатабыллаах киирсиилэр буолаллар. Финал – 14 ч.-16 ч. Киириитэ босхо.

Николай Бястинов, тустуу федерациятын пресс-сэкирэтээрэ

Один комментарий к статье: “Роман Дмитриев турнирыгар 14 дойдуттан бөҕөстөр кыттыахтара

  1. Дьэ, бэрт эбит. Сытыы хапсыьыылар күүтэбит.

Оставить комментарий

Войти с помощью: