Декада «Дорҕоонноох тылым хоһооно долгутар алгыстаах», посвящённая Дню родного языка. 7 часть.
Тыл, уйулҕа уонна өй- санаа таһыма
Саха тылын суругун бичигин чэрчитинэн, Илин общественай түмсүү тэрээһиннэрин салҕыы ыытар.
Олунньу 20 к.П Ойуунускай литературнай музейыгар ” Олоҥхо аартыгар айан- төрүт өйөбүл, төрүт дорҕоон, төрүт хамсаныы, төрүт дьарык”- тула сэһэргэһии буолла. Саха омук үйэлэр мөхсөр мөһүөннэрин туораан кэлбит үрдһк таһымнаах уран омук буолабыт. Ону улуу Олоҥхобут, ытык Ыһыахпыт, тимир култуурабыт бигэргэтэр. Бу төгүрүк остуолу иилээн- саҕалаан ыытта Акулина Иванова- Айгыына, суруйааччы, журналист.
Кыттыыны ыллылар ” Эгэй”- этнофитнес салайааччыта Ирина Федорова уонна РФ СВФУ НХК- 16 магистрана- Марианна Тимофеевна Сатанар. Олоҥхобутун научнай өттүнэн чинчийэн биллэхпитинэ, киэҥ куйаары кытта ситимнээх сүдү Олоҥхобут, сүдү айымньы ьуоларын анаарар кэм кэлбитин, төрүт дорҕоон уонна төрүт хамсаныы күн бүгүн олус туһааннааҕын билэн, үөрэтэн үлэлэһэ сылдьар ыал ийэлэрэ, санааларын үллэһиннилэр.
Итини сэргэ этновокал бөлөҕүн салайар Дария Барашкова, үлэтин көрүүлэриттэн сэһэргээтэ, ис- иһитиэн эҥсиллэн тахсар кылыһахтаах дорҕоон, киһи уйулҕатын ыраастыырын таһынан, киһиэхэ айылҕаттан баар күүс арылларын эттэ. Ити курлук төрүт хамсаныы, төрүт өй- санаа, төрүт дорҕоон, киһи айылҕа оҕото буоларын таһынан, бары куйаартан ситимнээхпитин туоһулууллар эбит.
.. Киһи олоҕо кылгас, устар утум уһун. Туох барыта тэҥнээтэххэ, холбуу- сыһыары туттахха ордук өйдөнөр эбит. Онон, бары бииргэ түмсэн куйаар эргиирин тутуһар сөптөөх кэм кэлбит.
ААПТАР: Акулина Иванова – Айгыына
