Ньурба оройуонун аҕа баһылыга дуоһунаһыгар киирдэ
НВК САХА -Ньурба оройуонун аҕа баһылыгын солотун сүкпүт Алексей Иннокентьев үөрүүлээх быһыыга-майгыга дуоһунаһыгар киирдэ. Судаарыстыбыннас күнүгэр сөп түбэспит инаугурацияҕа айылҕа харыстабылын миниистирэ Сахамин Афанасьев ыалдьыттаата. Үөрүүлээх тэрээһиҥҥэ миниистир, Ил Дархан Егор Борисов эҕэрдэ суругун саҥа баһылыкка бар дьонун иннигэр, норуотун итэҕэлин ылбыт, улуус саҥа баһылыга Алексей Иннокентьев, үгэс быһыытынан андаҕар, кэс тылын эттэ.
“Оройуон аҕа быһылыга диэн улахан эппиэтинэстээх үлэ. Ньурба оройуонун иннигэр элбэх быһаарыллыбатах боппуруостар тураллар. Бу манна, бастатан туран, нэһилиэк салалталарын кытта Ньурба оройуонун бары тэрилтэлэрин салайааччыларын кытта, үлэлиир коллективтарын, республика Правительствотын аҕа баһылыгын кытта биир санаанан үлэлээтэхпитинэ Ньурба оройуона инникилээх буолуоҕа”- диэн саҥа анаммыт баһылык Алексей Иннокентьев санаатын үллэһиннэ.
