Skip to content

АНОНС

Открылся канал нашего портала в Ютубе - Канал «Якутия. Образ будущего»

Ыты, балыгы ытык харамайдарынан ылыммаппыт.

Специально для интернет-портала «Якутия. Образ будущего».
Айыы Сиэн (Якутск).

27.08.2017 г.

Үбүлүөйүнэн өрөгөйдүөхтээх куораппытын киһиэхэ тириитин таһанын киирэр бу туох ойууларынан буулаттылар? Буолаары буолан ытык иһиппитигэр, чорооммутугар.

Скачать (DOC, 111KB)


Хайа өбүгэбит үгэһин үтүгүннэрдилэр, сиэрин-туомун ситэрдилэр дуу, сиргэ-буорга тэбистилэр дуу?
Төһө эрэ чаб (чабыланар) ааттаах-суоллаах, үбүнэн үллүктэнэр, харчыннан хатаҕалыыр хампаанньаларын “хаарыаннаах” хартыыната-айымньыта эбитэ буолла?
Санатар эбит буоллахха, саха ыкка бэйэтэ даҕаны аһыырын көрдөрбөт. Остуолга (ас туолар маһыгар) чугаһаппат, ырааҕынан ыты кыйдыыр.
Таарыччы эттэххэ, түҥ-таҥ көрөр, халыҥ харчыга харааччы иирэр мэйиилээхтэр, хайҕыыр, хам-бааччы нимиһэр айахтардаахтар тиэрэ эргийбит атахтардаах, түҥнэри туппут тыҥырахтардаах аатырар “геральдикабытын” дьаабылаан дьүһүлээбиттэрэ.
Ханнаҕатый ходуоһунньук харахтаахтарбыт, талааннаах тарбахтардаахтарбыт, иччилээх илиилэрдээхтэрбит?
Адьас сотрутааҕыта этэ дии, күн бэҕэһээҥҥи курдук, өйгө-санааҕа иҥэн хаалбыт мөккүөрдээх мөҥүөн.
Ханнаҕытый, ол, отучча сыллааҕыта чулуу ыччаппытын Тимофей Андреевич Степановпытын олоҥхоҕо улуу үлэлэрин “бу аата тугуй?”- дии-дии куолулаан киэбирбиттэр, көмөлөөн кэбилэммиттэр, мөрөйдөөн мөҕүттүбүттэр?
Ол кэми хаһан даҕаны умнубатым быһыытынан, аны эһигини кытта куомуннаһыахпын олус баҕардым.
Аны чорооммутугар үһүс ойууларынан буолар: сэлии кыыл диэҕи сэлиигэ маарыҥнаабат, слон диэҕи слонтан судургу кыыл.
Биллэн туран, ону саха омук символлара диэн билээҕимсийиэхтэрэ. (Ис им бэлиэ диэн символ)
Билигин эстээри хаайар кыталык көтөрдөрү даҕаны, былыыр-былыр быданнааҕыта быстыбыт, өтөрдөөҕүтэ өлүктүйбүт харамайдары даҕаны саха ытык бэлиэ оҥостубатаҕа, символ гымматаҕа.
Кинилэр киһиэхэ туһалаабаттар, бэйэлэрин курдук кэҕиннэриэхтэрин эрэ сөп буолан саха сиэригэр- майгытыгар суохтар.
Симэлийбиттэргэ сыста сатаабыт, судургутук сотору бэйэтэ суох буоларын бэркэ диэн билэллэрэ.
Өрүү тыыннаах өлбөөдүйбэт өбүгэлэр эрэ көмөлөһөллөрүн бороҥ буор куттаах куруутун билэр, салгын куттаах өрүү саныыр, ийэ куттаах мэлдьитин итэҕэйэр.

Оставить комментарий

Войти с помощью: