Skip to content

АНОНС

25 марта выходит из печати книга “Саха кэпсээбэт кистэлэҥэ” - якутская версия “Тайной истории саха”

«Мой убийца» киинэ «Золотой глобус» бириэмийэ иһин күрэстэһэр номинант буолбата

Саха сиригэр оҥоһуллубут, уһуллубут киинэ «Золотой глобус» бириэмийэ иһин күрэстэһээччилэр испииһэктэригэр киирдэ, ол гынан баран номинант буолбата. Костас Марсан режиссердаабыт киинэтэ «Омук дойдутун бастыҥ киинэтэ» аакка күрэстэһиэн сөптөөҕө.


“Мой убийца” киинэ AWFF куонкурус сүрүн бырагырааматыгар киирбитэ. Егор Неймохов олоххо дьиҥ буолбут түбэлтэҕэ олоҕуран суруйбут «Сайсары күөлгэ түбэлтэ» айымньытынан уһуллубут киинэ субтитра, өҥө-дьүһүнэ тупсарыллыбыта. Саҥардыллыбыт киинэни бастакынан Мииринэй олохтоохторо көрбүттэрэ.

mu1

Түмүгэр «Золотой глобус» бириэмийэ иһин Франция «Божественные» драмата, «Она» триллер, Чили поэтын биографиятын туһунан «Нерудо» киинэ, «Коммивояжер» уонна «Тони Эрдманн» кэмиэдьийэ күрэстэһиэхтэрэ.

«Золотой глобус» бириэмийэни АХШ «Оскарын» кэнниттэн иккис үктэлгэ турар наҕараада быһыытынан билинэллэр. Сыл аайы тохсунньуга туттарыллар.

Источник : http://sakha.ysia.ru/moj-ubijtsa-kiine-zolotoj-globus-biriemije-i-in-k-reste-er-nominant-buolbata/#

Оставить комментарий

Войти с помощью: