Skip to content

АНОНС

Балаҕан ыйа

Алгыһа
Улуу Суоруҥҥа хайыһыы
Сүлгүр, сүлгүр, сүлгүр!

Идэни биэрээччи,
Дьоҕуру арыйааччы,
Нүһэр тыллаах,
Сүдү бэйэлээх,
Тоҕус мутукка уйалаах,
Тоҕус чуолҕан харахтаах,
Куулаттарар төрдө буолбут,
Уһуйар баһа буолбут,
Үөрэх төруттээх,
Биир биэриилээх,
Айары анааччы,
Тутары туһаайааччы,
Сөллүбэт-өһүлллүбэт
Сүдү андаҕардаах
Улуу Суорун
Тойон эһэбит,
Бэттэх көрөн
Мичик гын,
Дом!

Суолтата

Балаҕан ыйыгар сырдык аҕыйаан, хараҥа улаатан барар. Дьон сайылыктарыттан кыстыкка көһөллөр. Балаҕаҥҥа уоттарын уматаллар. Ити уот Улуу Суорун уота диэн ааттанар. Улуу Суорун дьоҥҥо уоту уонна идэни биэрбит таҥара.

Күнэ-дьыла

Балаҕан ыйыгар хайдах кыһын буоларын, эһиил хайдах дьыл буолуон билгэлииллэр.
Ардаҕынан, мас хагдарыйарынан, хаас сырыытынан күһүн төһө уһуурун быһаараллар.
Оту-маһы “ииктэтэринэн” саас кэлиитин билэллэр. Бу ый ардаҕа икки: кус барар ардаҕа уонна оту-маһы “ииктэтэр” ардах, тыала биир: көтөҕө түһэрэр тыал.

Ааттара

1,2 – Умсуура, Уран.
3,4 – Урсууна, Дархан.
5,6 – Айыына, Кудай.
7,8 – Намыйа, Эркин.
9,10 – Санаайа, Талбан.
11,12 – Айталыына, Сургэн.
13,14 – Саргылаана, Далан.
15,16 – Кэскилээнэ, Тулуй.
17,18 – Арчыына, Кэнчээри.
19,20 – Талбаана, Сулустаана.
21,22 – Чөмчүүнэ, Харысхан.
23,24 – Хаачылаана, Эрэл.
25,26 – Туйгууна, Добун.
27,28 – Сыралыма, Уххан.
29,30 – Күндүүнэ, Айтал.

Оставить комментарий

Войти с помощью: