Skip to content

АНОНС

Открылся канал нашего портала в Ютубе - Канал «Якутия. Образ будущего»

Ытыктабыллаах Саха сирин олохтоохтоҕо!

Народный депутат И.И.Шамаев (Якутск).

17.08.2016 г.

Биллэрин курдук бэс ыйын 1 күнүттэн саҕалаан дальневосточнай босхо гектар туһунан сокуон үлэлээн эрэр. Алтынньы 1 күнүттэн ФИС, ол аата федеральнай информационнай система каартата үлэлээн барыахтаах, оччоҕуна Саха сирин бары олохтоохторо бу сокуоҥҥа тирэҕирэн каартаҕа аһаҕас турар сир учаастактарын талбыттарынан ылар кыахтаналлар.

Үгүс киһи сирин докумуона ситэ оҥоһулла илик. Оттон докумуона ситэтэ суох сир учаастага федеральнай каартаҕа көстүбэт. Өссө биири өйдүөххэ наада: эн Росреестрга регистрацияламмыт сибидиэтэлистибэлээх да буоллаххына сириҥ учаастага федеральнай каартаҕа көстүмүөн сөп! Тоҕо диэтэххэ ситэ оҥоһуллубатах докумуоннаах сирдэр эмиэ сибидиэтэлистибэлээхтэр. Ситэри оҥоһуллубут уонна ситэтэ суох сибидиэтэлистибэлэр тас көрүҥнэрэ биир. Оттон сир докумуона толору оҥоһуллубутун – оҥоһуллубатаҕын быһаарыы тыаҕа олорор киһиэхэ олус уустук.

Онон сүбэлиибит: сир учаастактаах буоллуҥ да, холобур оттуур сир эбэтэр дьиэ уһаайбата, балаҕан ыйын 1 күнүгэр диэри булгуччу уведомление оҥоро охсуоххун наада. Оччоҕуна эн сириҥ босхо гектар сокуонуттан 6 ый устата көмүскэллээх буолар!

Уведомление формата көҥүл. Уведомлениеҕа сириҥ докумуоннарын копиятын сыһыараҕын. Уведомление туттарбытыҥ туһунан расписка ылар наадалаах.

Нэһилиэк олохтоохторо уведомление оҥороллорун нэһилиэк дьаһалтата уонна землеустроитель сүрүннүөхтээхтэр. Бу үлэҕэ нэһилиэк депутаттара кытталлара наада. Түмүгэр уведомление улуус дьаһалтатын сири дьаһайар тэрилтэтигэр КИЗО-ҕа (урукку КУМИ) киириэхтээх. Сиргэр уведомление оҥордоххуна 6 ый устата сиргин госреестрга ситэри регистрациялатар кыахтанаҕын.

Түмүкпүтүгэр этэбит: уведомление хомуйуутугар хас биирдии нэһилиэк бүттүүн турунуон наада. Бу үлэҕэ аҥардас баһылык уонна землеустроитель эрэ буолбакка дьаһалта үлэһиттэрэ, нэһилиэк депутаттара бары кыттыахтаахтар.

Туһана сылдьар сирбитин мүччү тутумуоҕуҥ!

Источник: Саха Общественнай Киин Сүрүннүүр Сүбэтэ.

 

 

Оставить комментарий

Войти с помощью: