От ыйа. Алгыһа. Аан Алахчыҥҥа хайыһыы.

От ыйа. Алгыһа. Аан Алахчыҥҥа хайыһыы.

Тубсаана (Горно-Алтайск).

5.07.2016 г.

Нарын-наскыл, нарыл-наскыл, нарыл-наскыл!

Үүнэри төрүттээччи,

Быйаҥы биэрээччи,

От анныгар обугунаспыт

Ойуу-бичик уолаттардаах,

Сэбирдэх быыһыгар сибигинэспит

Ойуу-бичик кыргыттардаах,

Үүс кыыл тириитэ бэргэһэтин

Эҕэтэйдии кэппит,

Киис кыыл тириитэ саҕынньаҕын

Нэлэккэйдии кэппит,

Баһыы көмүс тарбахтаах,

Көҕүөр-таһыар эмиийдээх,

Күскэм-тускул,

Айхал-мичил,

Аан Алахчын

Хотун ийэбит,

Бэттэх көрөн

Мичик гын!

Дом!

Күнэ-дьыла.

От ыйыгар күнү былытынан,үөнүнэн-көйүүрүнэн,кыылынан-сүөлүнэн,сиигинэн билгэлииллэр.

От ыйын 20 күнүгэр саары куйааһа бүтэр.

Ый биир самыырдаах-от (Бөтүрүөп) самыыра,биир тыаллаах-от сыырар тыала.

От ыйа тохсунньу ыйга тэгилэнэр.Ый алтыыта суох.

Суолтата.

От ыйыгар Улуу тунах бүтэр (12 күн).Онон ыһыахтар тохтууллар.Окко киирии буолар.Оттооһун -саха сүрүн үлэтэ.Окко киирэргэ эрдэттэн сэниэ ылан бэлэмнэнэллэр.Окко киирэн баран үс күн хаталлар.

Ааттара.

1,2-Нарыйа,Байдам.

3,4-Мичийэ,Тайбыыр.

5,6-Дойдууна,Кудук.

7,8-Айгыына,Алгыс.

9,10-Умсуура,Быйаман.

11,12-Чэлгийээнэ,Дьулуур.

13,14-Самаана,Кунай.

15,16-Күннэй,Кустук.

17,18-Байаана,Күндүл.

19,20-Чэмэлиинэ,Толлуман.

21,22-Сайыына,Дэлэгэй.