Бэс ыйа
Бэс ыйа
Алгыһа
Үрүҥ Айыы алгыһа
Айхал, айхал, айхал!
Аан дойдуну
Айан тутан оҥорбут,
Орто туруу дойдуну
Огдолуйбат олохтообут,
Айыы аартыгын арыйбыт,
Күн суолун тобулбут,
Айыы киһитин
Арҕаһыттан тэһииннээбит,
Күн киһитин
Үүс киис тириитэ
Өллүргэлээх бэргэһэлээх,
Үүс аас бэйэккэлээх,
Үүт таас олбохтоох,
Үкээр куйаас тыыннаах
Үрүҥ Айыы Тойон.
Бэттэх бэттэх көрөн
Мичик гын!
Дом!
Суолтата
Бэс ыйа барыта Улуу тунахха тубэһэр.Онон бу саамай алгыстаах кэм.Саха саныырынан,үөһээҥи Айыылар Орто дойдуга хаһааҥҥытааҕар да чугаһыыллар. Бу ый былаһын тухары ыһыахтар буолаллар.Ыһыахтар Айыылартан алгыс ыларга анаан оҥоһуллаллар.
Күнэ дьыла
Бэс ыйыгар сайын хайдах буолуон,сотору ардыан дуу,суоҕун дуу быһаараллар.
Сайын хайдах буолуон от мас үүнэринэн,үөнүнэн,кыылынан,этиҥинэн билгэлииллэр.
Аҕыйах хонугунан кэлэр күнү дьылы үөн көйүүр майгытынан,былытынан билэллэр.
Бу ыйга самыыр уонна куйаас солбуһар.
Бэс ыйын сүрүн самыыра анды кэлэр самыыра.
Икки тыаллаах олооһун тыала уонна мас сыырар (сиэмэтэ көтөр) тыала.
Бэс ыйа ахсынньы ыйы батыһар.
Ый алтыыта суох.
Ааттара
1,2-Уйгууна,Эллэй.
3,4-Күөрэгэй,Сандал.
5,6-Самаана,Кэскил.
7,8-Алгыстаана,Байан.
9,10-Чэлгийээнэ,Байдам.
11,12-Туйаара,Чаҕыл.
13,14-Сардаана,Эрэл.
15,16-Ньургуйаана,Мургун.
17,18-Долгууна,Далбар.
19,20-Сарыада,Күндүл.
21,22-Сыралыма,Сэргэ.
23,24-Сайыына,Барахсан.
25,26-Саргылаана,Ньургун.
27,28-Намыына,Тайбыыр.
29,30-Дайаана,Кудук.
