Skip to content

АНОНС

Открылся   YouTube канал Тубсааны 

МУУС УСТАР АЛГЫҺА.

Айыыһыкка хайыһыы
Дьаралык, дьаралык, дьаралык!

Үөскүүрү төрүттээччи,
Кэскили тэрийээччи,
Уол оҕо кутун ох оҥорон
Уҥа хонноҕор кыбыммыт,
Кыыс оҕо кутун кыптый оҥорон
Хаҥас хонноҕор кыбыммыт,
Тэллэҕэр имэҥнээх,
Суорҕаныгар дьалыҥнаах,
Биири биэс гынааччы,
Биэһи биэс уон гынааччы,
Иэримэ дьиэни тэрийээччи,
Көмүс ньээкэ уйаны олохтооччу,
Таптал таҥарата,
Дьиэ – кэргэн төрдө,
Айыыһыт
Ийэ хотун,
Бэттэх көрөн
Мичик гын!
Дом!
Суолтата
Муус устар ый сааскы ыйга киирэр. Бу ый салгынын тот салгын дииллэр. Биэ,ынах төрүүр.Киһи кэрэни кэрэхсиир, тапталга талаһар. Бу кэмҥэ дьэргэлгэҥҥэ үктэнэн Айыыһыт Орто дойдуга түһэр.

Күнэ – дьыла
Муус устар ый күнүнэн-дьылынан саас төһөҕө кэлэрин,сайын хайдах буолуон өссө чопчулууллар.
Муус устарга буолбут ириэрии кэлэр ыйга хатыланар. Ити кэмҥэ сир хараарар.
Чалбах томточчу тоҥор буоллаҕына, өҥ сайын.
Хаар тыаттан саҕалаан ирдэҕинэ,уу тохтуур.
Муус устар ириэриилээх, хатааһыннаах.
Икки тыаллаах: тураах кэлэр тыала уонна хаары сахсатар тыал.
Муус устар алтынньы ыйы батыһар.
Ый алтыыта бастакы күҥҥэ буолар.

Ааттара
1,2 – Нарыйа, Сайдам.
3,4 – Айыына, Уран.
5,6 – Күндүүнэ, Ньургун.
7,8 – Сааскыйа, Сандал.
9,10- Кыталыына, Чаҕыл.
11,12- Чэмэлиинэ, Айтал.
13,14- Туйаарыма, Эрчим.
15,16- Күбэйэ, Айаал.
17,18- Талбаана, Хомустаан.
19,20- Сандаара, Айан.
21,22- Сахаайа, Арылхан.
23,24- Кэрэчээнэ, Саарын.
25,26- Сайыына, Кэрэмэн.

27,28- Күннэй, Толбон.

29,30- Намыына. Алгыс.

 

Оставить комментарий

Войти с помощью: