Skip to content

Внимание ! Мы в Одноклассниках

Төрөөбүт төрүт тыл суолтата

Тыл күүһүн, тыл суолтатын  туһунан билбэт киһи арааһа аҕыйах буолуо. Киһи санаата эмиэ биир  кэккэҕэ тыл суолтатын уонна күүһүн кытта сылдьар. Киһи күннээҕи олоҕо бэйэтин санаатынан салайтаран барар. Ол курдук бэйэбит олохпут оҥкулун бэйэбит оҥостобут диэхпин баҕарабын.

Күннээҕи олоҕуҥ түбүгэр сылдьаҥҥын,
Күннэри-түүннэри үлэлиир буолаҥҥын,
Хаарыаннах күммүтүн чаҕылла тыгарын,
Хараҕыҥ далыгар киллэрбэт буоллаҕыҥ.

Ол оннук сылдьаҥҥын олоххун барыаҥ дуо?,
Айылҕаҥ кэрэтин көрбөккө хаалыаҥ дуо?.
Суох,тохтоо! дьэ уоскуй! Кэрэни кэрэхсээ
Аргыыйдык сылдьаҥҥын бар дьоҥҥор эн кэпсээ.

Бэйэлээх бэйэҕин умнарыҥ сатаммат
Сынньалаҥ диэн баарын бар дьоҥҥор эн санат,
Дьонноруҥ туһугар бэйэҕин харыстаа
Инникиҥ сайдарын санааҥҥын эн алҕаа.

Хаһан да бүппэт сыыс,бэйэтэ ылҕаныа,
Хаһан да кэлбэт баай,бэйэтэ кэлиэҕэ,
Ийэ тыл суолтатын ол онно билиэҕиҥ,
Санааҕын түмэҥҥин ол онно тиийиэҕиҥ.

*            *            *            *           *

А.Бояркин.  29.03.2012 сыл.

Оставить комментарий

Войти с помощью: